Galaxy Fold 2 barəsində yeni məlumat ortaya çıxdı
Elm & Texnologiya
25.12.2019
Emil Nəcəfov
Bu il təqdim edilmiş qatlana bilən smartfon modellərinin konstruksiyaları öz aralarında fərqlənsələr də onların bir ortaq cəhətləri var. Belə ki, həmin smartfonlar cızıqlara dözümlü olmayan plastik örtüklü ekranlara sahibdirlər. Lakin yaxın zamanda bu vəziyyət dəyişə bilər. Belə ki, ortaya çıxmış məlumata əsasən Samsung şirkətinin Galaxy Fold 2 smartfonu şüşə materialdan olan örtüyə sahib ekranla təchiz olunacaq. Bu barədə Androidpolice saytı xəbər verib.
Ice Universe ləqəbi ilə tanınan məşhur insayder qeyd edib ki, Galaxy Fold 2-nin ekranı yeni nəsil ultranazik elastiki şüşə material ilə örtülü olacaq. Galaxy Fold 2 bu cür ekrana sahib ilk smartfon modeli olacaq. Bir neçə müddət bundan öncə məlum olmuşdu ki, şirkət Ultra Thin Glass adlı ticarət nişanını qeydiyyatdan keçirdib və artıq cızıqlara dözümlü olan şüşə örtüklərin istehsal olunması üçün öz partnyorları ilə razılığa gəlib. Gözləntilərə əsasən Galaxy Fold 2 gələn ilin fevral ayında yeni Galaxy S seriyası ilə birlikdə təqdim olunacaq.
Linki kopyala
Həftənin xəbərləri
"Premium" dizayna malik uyğun qiymətli smartfon: HONOR X8b bizə nələri vəd edir?
Whatsapp yaxın zamanda 2 yeni funksiyanı əldə edəcək