Bir neçə müddət bundan öncə Galaxy A7 haqqında paylaşılmış məlumatlar bunu təsdiqləyir. Belə ki, xarici görünüşcə o, Galaxy S8-in büdcəli versiyasına bənzəyir. Təbii ki, texniki göstəricilərinə görə də Galaxy A7, Galaxy S8-dən geridədir. Ümumiyyətlə Galaxy A seriyası dizayn baxımından Galaxy S seriyasını təkrarlayır. Galaxy S seriyası metal korpusa keçid edəndən sonra Galaxy A seriyası da metal korpusa keçdi.

Galaxy S seriyası ön və arxa tərəfdən şüşə örtüyə sahib olandan sonra Galaxy A seriyası da bu özəlliklə təmin olundu. Beləliklə şirkətin yeni flaqman modelləri korpusun ekrana 18:9 nisbətini əldə etdikdən sonra yeni Galaxy A modelləri də buna sahib olacaqlar. Təbii ki, hər iki seriya arasında fərqliliklər də var. Belə ki, Galaxy A7 (2018) modeli 6 inç-lik Full HD+ ekranla təmin olunub.

Demək olar ki, çərçivəsiz ekrana sahib olacaq Galaxy A7 (2018), Galaxy S8 və Note 8 kimi əyilmiş kənarlardan məhrum olacaq. Galaxy A7 (2018)-in daxilində Exynos 7885 prosessoru və 6 GB RAM olacaq. Bununla yanaşı yeni A seriyasının bütün modelləri ikili arxa kameralar ilə təchiz olunacaqlar. Hələki yeni Galaxy A seriyasının nə zaman təqdim olunacağı haqqında məlumat yoxdur. Lakin çox güman ki, yeni seriyalar gələn ilin Fevral ayında təqdim olunacaqlar.