Elon Musk: 'Marsda yaşayış bazasının yaradılması üçün 1000 ədəd Starship raketi və 20 il vaxt lazımdır'

Elon Musk: 'Marsda yaşayış bazasının yaradılması üçün 1000 ədəd Starship raketi və 20 il vaxt lazımdır'

Texnologiya
08.11.2019 PAYLAŞIM

 

    SpaceX şirkətinin CEO-su Elon Musk öz Twitter hesabında bildirib ki, Mars planetində yaşayış bazasının yaradılması üçün 1000-ə yaxın Starship kosmik gəmisi lazımdır. Yaşayış bazasının infrastrukturunun inkişafına isə 20 il vaxt lazım olacaq. Bu barədə Vc.ru saytı xəbər verib. Musk qeyd edib ki, Marsda yaşayış bazasnın yaradılması üçün qırmızı planetə milyonlarla ton təchizat və resurs göndərmək lazımdır. Lakin nəzərə alsaq ki, Yer kürəsi ilə Mars yalnız 2 ildən bir bir dəfə bir-birinə yaxın məsafədə olurlar, mütəmadi uçuş missiyalarını reallaşdırmaq mümkün olmayacaq.

    Starship raketi üzərində işlər hələ sonlandırılmayıb. Musk sözügedən raketi hələ sentyabr ayında təqdim etmişdi. Onun hesablamalarına əsasən daxilində astronavtların yerləşəcəyi Starship raketinin Yer kürəsinin orbitinə ilk uçuşu 2020-ci ilin ortasında reallaşdırıla bilər. Musk ümid edir ki, Marsda yaşayış bazasının inşa edilməsinə yaxın Mars palentinə Starship raketinin hər bir uçuş missiyası 2 milyon dollardan baha olmayacaq. Qeyd etmək lazımdır ki, Starship maksimal sayda təkrar istifadə üçün nəzərdə tutulub və sutkada 3 dəfə kosmosa uça bilər. Həmin uçuşlar arasında isə raketin yanacaq ehtiyatının doldurulması və xidmətinə qısa fasilələr veriləcək.

    Musk ümid edir ki, bu üsulla bir ədəd Starship raketi il ərzində 1000-ə yaxın uçuş reallaşdıra bilər. “Əgər biz, bizdə olan Falcon 9 sayı (100 ədəd) qədər Starship raketinə sahib olsaq və hər bir raket Yer kürəsinin orbitinə 100 ton yük daşıya bilsə, deməli hər il orbitə çatdırılacaq yük qabiliyyəti 10 milyon ton təşkil edəcək” - deyə Musk qeyd edib. Onun hesablamalarına əsasən hal hazırda mövcud olan kosmik aparatlar Yer kürəsinin orbitinə hər il 500 ton yük daşıma potensialına sahibdirlər. Onu da qeyd etmək lazımdır ki, Marsda insan koloniyasının yaradılması üçün ilk növbədə ən azından Marsa bir dəfə idarə olunan uçuşu reallaşdırmaq lazımdır. SpaceX şirkəti isə ilk yük aparatının 2022-ci ildə Marsa göndərməyi planlaşdırır. 



SİZƏ MARAQLI OLACAQ BİR NEÇƏ MƏLUMAT


Elon Musk təsdiqlədi: 2050-ə qədər 1 milyon insan Marsa gedə biləcək

SpaceX və Tesla şirkətləri ilə tanınan Elon Musk, Starship proyekti ilə 2050-ə qədər 1 milyon insanı..


Google şirkətinin sahibi olan Alphabet holdinqinin bazar dəyəri 1 trilyon dollar..

Google şirkətinin sahibi olan Alphabet holdinqi tarixində ilk dəfə olaraq 1 trilyon dollar bazar dəy..


Poco Xiaomi-dən ayrılaraq müstəqil brendə çevrildi

Keçən ilin yanvar ayında Redmi Xiaomi-dən ayrılaraq müstəqil brendə çevrilmişdi. İndi isə növbə gəli..


Huawei telefonlarında reklam göstərəcək: Şirkət Xiaomi-nin yolundan gedir

Yeni çıxan xəbərlərə görə Huawei artıq telefonlarında reklam göstərəcək. Huawei Ads adında servis ha..


Məşhur iPhone istehsalçısı Foxconn elektromobil istehsalına başlayacaq

Yarımkeçirici məhsulların istehsalı ilə məşğul olan ən böyük şirkətlərdən biri Foxconn Çin bazarı üç..


Huawei şirkəti bu il 5 arxa kameralı P40 Pro Premium Edition smartfon modelini t..

Ortaya çıxmış yeni məlumata əsasən Huawei şirkəti bu il P seriyasında 2 deyil 3 smartfon modeli təqd..