Elon Musk: 'Marsda yaşayış bazasının yaradılması üçün 1000 ədəd Starship raketi və 20 il vaxt lazımdır'

Elon Musk: 'Marsda yaşayış bazasının yaradılması üçün 1000 ədəd Starship raketi və 20 il vaxt lazımdır'

Texnologiya
08.11.2019 PAYLAŞIM

 

    SpaceX şirkətinin CEO-su Elon Musk öz Twitter hesabında bildirib ki, Mars planetində yaşayış bazasının yaradılması üçün 1000-ə yaxın Starship kosmik gəmisi lazımdır. Yaşayış bazasının infrastrukturunun inkişafına isə 20 il vaxt lazım olacaq. Bu barədə Vc.ru saytı xəbər verib. Musk qeyd edib ki, Marsda yaşayış bazasnın yaradılması üçün qırmızı planetə milyonlarla ton təchizat və resurs göndərmək lazımdır. Lakin nəzərə alsaq ki, Yer kürəsi ilə Mars yalnız 2 ildən bir bir dəfə bir-birinə yaxın məsafədə olurlar, mütəmadi uçuş missiyalarını reallaşdırmaq mümkün olmayacaq.


    Starship raketi üzərində işlər hələ sonlandırılmayıb. Musk sözügedən raketi hələ sentyabr ayında təqdim etmişdi. Onun hesablamalarına əsasən daxilində astronavtların yerləşəcəyi Starship raketinin Yer kürəsinin orbitinə ilk uçuşu 2020-ci ilin ortasında reallaşdırıla bilər. Musk ümid edir ki, Marsda yaşayış bazasının inşa edilməsinə yaxın Mars palentinə Starship raketinin hər bir uçuş missiyası 2 milyon dollardan baha olmayacaq. Qeyd etmək lazımdır ki, Starship maksimal sayda təkrar istifadə üçün nəzərdə tutulub və sutkada 3 dəfə kosmosa uça bilər. Həmin uçuşlar arasında isə raketin yanacaq ehtiyatının doldurulması və xidmətinə qısa fasilələr veriləcək.

    Musk ümid edir ki, bu üsulla bir ədəd Starship raketi il ərzində 1000-ə yaxın uçuş reallaşdıra bilər. “Əgər biz, bizdə olan Falcon 9 sayı (100 ədəd) qədər Starship raketinə sahib olsaq və hər bir raket Yer kürəsinin orbitinə 100 ton yük daşıya bilsə, deməli hər il orbitə çatdırılacaq yük qabiliyyəti 10 milyon ton təşkil edəcək” - deyə Musk qeyd edib. Onun hesablamalarına əsasən hal hazırda mövcud olan kosmik aparatlar Yer kürəsinin orbitinə hər il 500 ton yük daşıma potensialına sahibdirlər. Onu da qeyd etmək lazımdır ki, Marsda insan koloniyasının yaradılması üçün ilk növbədə ən azından Marsa bir dəfə idarə olunan uçuşu reallaşdırmaq lazımdır. SpaceX şirkəti isə ilk yük aparatının 2022-ci ildə Marsa göndərməyi planlaşdırır. 

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


Dünyanın ilk 8K keyfiyyətli holoqrafik 3D ekranı təqdim olunub (VİDEO)

4K keyfiyyətli ekranlar hələ təzə-təzə məşhurlaşmağa başlayırlar. Lakin istehsalçılar artıq 4K-dan d..


Büdcəli OnePlus smartfonunun hazırlandığı rəsmi şəkildə təsdiqləndi

Uzun müddət ərzində internetdə məlumat gəzirdi ki, OnePlus şirkəti büdcəli smartfon seriyası üzərind..


Windows 10-un təhlükəsizlik sistemi təkmilləşəcək: Nə kimi yenilik gözlənilir?..

Windows istifadəçiləri təhlükələrdən qorunmaq üçün çox zaman müxtəlif antiviruslardan istifadə edirl..


Redmi 10X və Redmi 10X Pro smartfonları təqdim olunub - QİYMƏTİ

Redmi brendi Redmi 10X və Redmi 10X Pro smartfon modellərini təqdim edib. Bu smartfonlar Redmi brend..


Daha geniş funksionallıq: Xiaomi Mi Band 5 fitnes qolbağı hansı özəlliklərə sahi..

Xiaomi-nin Mi Band 5 fitnes qolbağı barəsində məlumatlar internetdə ortaya çıxmağa davam edir. Bu is..


Büdcəli Galaxy Fold-un sxematik fotosu təqdim oundu: Adi Galaxy Fold-dan necə fə..

İnternetdə artıq dəfələrlə məlumat ortaya çıxıb ki, Samsung şirkəti qatlana bilən Galaxy Fold smartf..

×