Bill Gates-in reallaşması mümkün 7 bəşəri proqnozu
Elm & Texnologiya
19.05.2017
Emil Nəcəfov
Məşhur biznesmen və milyarder Bill Gates-in verdiyi
proqnozlar əksər hallarda düz çıxır. Məhz o, sosial şəbəkələr ilə smartfonların
məşhurlaşacağını öncədən görmüşdü. Business Insider, “Microsoft” şirkətinin təsisçisinin
7 yeni proqnoz siyahısını tərtib edib. Həmin proqnozların gələcəkdə reallaşması
ehtimalı çox böyükdür.
1. 10-15 ildən sonra bioterrorçular, süni virus yaradacaqlar.
Bu ilin Fevral ayında Münhendə təhlükəsizlik mövzusunda
keçirilmiş konfrans zamanı Bill Gates qeyd etmişdi ki, insanlıq üçün olan ən
böyük təhlükələrdən biri, hava yolu ilə yoluxan zərərli mikroorqanizmlərdir
hansılar ki, laboratoriya şəraitində sintezləşdirilir. Bill Gates-in fikrincə
bioterrorçular artıq bu cür virusların hazırlanması üzrə işlər görürlər.
Sintetik suçiçəyi və ya superqrip virusu digər xəstəliklərdən daha şiddətli və
ölümcül ola bilərlər. Gates öz proqnozunu epidemioloqların fikrinə əsaslandırır.
Belə ki, onların fikrincə yaxın 10-15 il ərzində təhlükəli viruslar inkişaf edəcəklər.
Təkmilləşdirilmiş mikroorqanizm, bir il ərzində 33 milyon insanın tələf
olmasına gətirib çıxara bilər. Məhz buna görə Bill Gates ilə onun həyat
yoldaşının birlikdə qurduqları xeyriyyəçilik fondu bütün dünya üzrə müxtəlif
viruslara qarşı dərmanların paylanması ilə məşğul olur.
2. 15 ildən sonra texnologiyalar Afrikadakı aclığa son qoyacaq.
2015-ci ildə Bill Gates, Afrikada kənd təsərrüfatının 50%
artacağını bildirmişdi. Beləliklə Afrika aclığa qalib gələ biləcək. Hələki
Afrika hər il 50 milyard dollar dəyərində ərzaq yardımı əldə edir. Bununla
yanaşı Sahara səhrasının cənubunda olan ölkələrin əhalisinin 70%-i kənd təsərrüfatı
ilə məşğul olur. “15 ildən sonra bu acınacaqlı paradoks innovasiyalı
texnologiyaların sayəsində yoxa çıxacaq. Alimlər artıq təkmilləşdirilmiş bitkilər
hazırlayıblar. Həmin bitkilər böyük miqdarda qidalandırıcı maddələrə və istənilən
xəstəliyə qarşı immunitetə sahibdirlər. Bundan əlavə olaraq təkmilləşdirilmiş
bitkilər daha çox məhsuldarlıq verirlər. Nəzəri cəhətdən afrikalı fermerlər bu
bitkilər vasitəsilə öz məhsuldarlıqlarını artıra bilərlər” – deyə Bill Gates
bildirmişdir.
3. 2030-cu ildə mobil banklar kasıb təbəqənin sayını azaldacaq.
Kasıb ölkələrdə insanların keyfiyyətli tibbi xidmətə, ərzaqa,
təhsilə və daşınmaz əmlaka verməyə vəsaitləri yoxdur. Gates bunun səbəbini əhalinin
böyük hissəsinə kredit və sığorta resursunu verməyən bank infrastrukturunda
görür. Lakin son zamanlarda bu vəziyyət dəyişir. Məsələn Keniya, Uqanda və
Afrikanın digər ölkələrində M-PESA adlı mobil maliyyə sistemi fəaliyyət göstərir.
Bu sistem vasitəsilə bank hesabları olmayan insanlar məhsul və xidmət haqlarını
nağdsız formada ödəyə bilirlər. “2030-cu ildə hal-hazırda bank hesabına sahib
olmayan 2 milyard insan öz vəsaitlərini mobil telefonlarda saxlayacaq və onun
vasitəsilə ödəməni reallaşdıracaqlar. Həmin vaxtda onlar üçün maliyyə servislərinin
bütün spektrləri aktiv olacaq” – deyə Bill Gates bildirmişdir.
4. 2035-ci ilə kimi kasıb ölkələr olmayacaq.
Bill Gates əmindir ki, digər ölkələrdən olan yardımlar sayəsində
2035-ci ilə kimi bir çox ölkələrdə kasıblığa son qoymaq mümkün olacaq. Kasıblıq
barəsində danışanda Gates, Ümumdünya Bank tərəfindən qəbul edilmiş müəəyənləşdirmədən
istifadə edir. Həmin müəyyənləşdirməyə əsasən kasıb əhaliyə o insanlar daxildir
hansıların ki, gündəlik büdcələri 1.9$ göstəricini keçmir. “Demək olar ki,
bütün ölkələr orta səviyyədən bir qədər aşağı qazanca və ya daha yüksəyinə
sahib olacaqlar. Dövlətlər öz uğurlu qonşularından təcrübə əldə edərək yeni dərmanlar,
təkmilləşdirilmiş bitkilər və rəqəmsal inqilabın hesabına inkişaf edəcəklər” – deyə
Bill Gates bildirmişdir.
5. 15 ildən sonra bərpa olunan energetika, karbohidrogen
energetikaya qalib gələcək.
Ən vacib proqnozlardan birini Bill Gates hələ 2016-cı ildə
vermişdi. O bildirmişdi ki, 15 ildən sonra külək, günəş və digər bərpa olunan
energetika sahələri planetin böyük bir hissəsini elektriklə təchiz edəcək.
Gates-in olduğu bir çox ölkələrdə insanlar su kəmərinə və elektrik enerjisinə
sahib deyillər. Onlar gecələr öz evlərini işıqlandıra, öz bizneslərini qura və
ya tibbi mərkəz yarada bilmirlər. “Əgər siz təmiz və ucuz enerji mənbəyi
tapsanız, onda bu hadisə nəinki iqlim dəyişikliklərinə son qoyacaq, hətta
milyonlarla kasıb ailənin həyatını dəyişəcək” – deyə Bill Gates bildirmişdir.
6. 20 il ərzində robotlar iş yerlərini işğal edəcəklər.
Gates-in fikrincə növbəti 20 il ərzində inkişaf etmiş və
inkişafda olan bir çox ölkələrdə olan mağaza, anbar və zavodlar adi işçiləri
robotlarla əvəz edəcəklər. Sahədən asılı olaraq avtomatlaşdırma sistemi minlərlə
və milyonlarla iş yerinin itirilməsinə gətirib çıxacaraq. Bunun hamısı bir anda
baş verəcək. Gates, robotlara vergilərin təyin edilməsini təklif edir. Bu, adi
işçiyə təyin edilmiş vergiyə bənzəyir. Həmin vergilər sayəsində yığılacaq vəsaitlər ilə isə insanlara gəlirin və müavinətin digər bir növünün verilməsi mümkün ola bilər.
7. 2019-cu ildə poliomielit (sinir sisteminin zədələnməsi nəticəsində
əzələlərin iflici) tamamilə yox olacaq.
2016-cı il üzrə olan statistikalara əsasən dünyada yalnız 37 poliomielit hadisəsi qeydə alınmışdır. 1980-ci ildə bu göstərici il ərzində 400
hadisə nisbətində idi. Gates əmindir ki, müəyyən vaxtdan sonra poliomielit, yox
olacaq ikinci xəstəlik hesab ediləcək. “Poliomielit üzrə dünya təşkilatı növbəti
6 il ərzində bu xəstəliyin yox edilməsi üçün planın hazırlanmasını sona çatdırır”
– deyə Bill Gates bildirmişdir.
Linki kopyala
Həftənin xəbərləri
Whatsapp yaxın zamanda 2 yeni funksiyanı əldə edəcək
Qutusu açılmamış birinci nəsil iPhone modeli 15 Pro Max-dan təxminən 80 qat baha qiymətə satılıb!