main-post-cover

    Alphabet holdinqi insanın eşitmə qabiliyyətini üst səviyyəyə yüksəldəcək cihaz üzərində çalışır

    Elm & Texnologiya
    05.03.2021
    Emil Nəcəfov
        İnsayderlərin verdikləri məlumata əsasən Google şirkətinin sahibi olan Alphabet holdinqi daşınıla bilən qeyri adi cihaz üzərində çalışır və həmin cihaz insanın duyğu orqanlarından birinin imkanlarının genişləndirilməsi üçün nəzərdə tutulub. Söhbət, iti eşitmə qabiliyyətini verəcək cihazdan gedir. İnsayderlər bildiriblər ki, sözügedən layihə Wolverine kod adına sahibdir və şirkət onun üzərində 2018-ci ildən çalışır. Bu layihə insanın eşitmə qabiliyyətinin daha üst səviyyəyə yüksəlməsi üçündür. Bununla belə cihaz ətraf səs-küyü boğaraq yalnız bir səs mənbəyinə fokuslanmaq imkanını verəcək.
        Bu cür nəticəni əldə etmək üçün isə Alphabet sözügedən cihazı adi qulaqlıq şəklində hazırlayır. Lakin heç itisna deyil ki, gələcəkdə cihazın formatı dəyişsin. Məlumata əsasən cihaz yüksək həssaslığa sahib mikrofonlar ilə təchiz olunacaq. Həmin mikrofonlar isə xüsusi proqram alqoritmi vasitəsilə ətraf səs-küyü boğaraq danışan ikinci şəxsin səsinə fokuslanacaq. Alphabet təsdiqləyib  ki, o, eşitmə qabiliyyəti sahəsində araşdırmalar aparır. Lakin holdinq bu layihə barəsində heç bir ətraflı məlumat təqdim etməyib. Cihazın texniki özəllikləri və nə zaman satışa çıxacağı barəsində də bir məlumat hələki yoxdur.
    Linki kopyala