'Alibaba'nın CEO-su Jack Ma: 'Yeni texnologiyalar, Üçün Dünya Müharibəsinə gətirib çıxara bilər'
Elm & Texnologiya
24.06.2017
Farid Pardashunas
Gələcəkdə insanlar daha çox səyahət etmək və daha az işləmək
imkanına sahib olacaqlar. Belə ki, əmək həftəsi kiçiləcək, iş günü isə 4
saatlıq qrafikə keçəcək. Lakin buna baxmayaraq yeni texnologiyalar həmçinin bir
sıra problemləri də gətirəcək. CNBC ilə müsahibəsində
milyarder və “Alibaba Group” şirkətinin CEO-su Jack Ma, gələcəkdə
insanların rastlaşa biləcəkləri problemlər haqqında danışıb. Süni zəkanın
imkanları ilə sıx əlaqədə olan qloballaşma, cəmiyyət üçün böyük risklər
daşıyır. “Birinci texnoloji təkamül, Birinci Dünya Müharibəsini, ikinci
texnoloji təkamül, İkinci Dünya Müharibəsini özü ilə gətirdi. Üçüncü texnoloji
təkamül isə özü ilə Üçüncü Dünya Müharibəsini gətirə bilər” – deyə Jack Ma
qeyd edib. Əsas təhlükəni Jack Ma, iş yerlərinin çatışmamazlığında və cəmiyyətin
parçalanmasında görür. İnsanların, məlumatlar və ya avtomatlaşdırma sisteminə əlçatanlığından
asılı olaraq onlar kasıb və varlı təbəqələrə ayrılacaqlar. Qeyd etmək lazımdır
ki, bir neçə müddət bundan öncə Jack Ma bildirmişdi ki, növbəti 30 il ərzində
sosial münaqişələr bütün sahə və cəmiyyət təbəqələrinə təsir edəcək.
Bir sıra mütəxəssislərin fikrincə texnologiyalar, elit təbəqənin
əlində cəmləşəcək. Bu isə öz növbəsində cəmiyyətin hətta bioloji səviyyədə
ayrılmasına gətirib çıxaracaq. Jack Ma əsas təhlükəni təkcə insanlar tərəfdən
deyil, həmdə süni zəka tərəfdən də görür. Onun fikrincə mütəxəssislər insanlara
bənzəyən robotları yaratmamalıdırlar. Robot və proqramlar yalnız insanın edə
bilməyəcəyi işi görməlidir. Təbii ki, süni zəka böyük müsbət cəhətlər də gətirəcək.
“30 ildən sonra insanlar gün ərzində 4 saat və həftədə 4 gün çalışacaqlar. Mənim
babam fermada gün ərzində 16 saat çalışırdı və o özünü işgüzar insan hesab edirdi.
Bugün biz gün ərzində 8 saat çalışırıq və özümüzü işgüzar insan hesab edirik”
– deyə Jack Ma bildirib. Bu cür mənfi fikirlərə baxmayaraq növbəti 30 il üçün
biznes baxımından Jack Ma-nın çox böyük ümidləri var. O ümid edir ki, artıq
2036-cı ilə kimi “Alibaba”, dünyanın ən böyük iqtisadi təmsilçiləri ilə eyni
siyahıda olacaq və 2 milyard insan üçün xidmətlərini təklif edəcək.
Linki kopyala
Bənzər xəbərlər
Oxşar xəbərlər
Həftənin xəbərləri
YouTube öz yeni dizaynını test etməyə başlayıb
Telegram-ın yaradıcısı Pavel Durov geniş müsahibə verib (VİDEO)