ABŞ hökuməti Amazon, Apple, Facebook və Alphabet şirkətlərinin CEO'larının özəl yazışmalarını tələb edir

ABŞ hökuməti Amazon, Apple, Facebook və Alphabet şirkətlərinin CEO'larının özəl yazışmalarını tələb edir

Texnologiya
16.09.2019 PAYLAŞIM

    ABŞ konqressinin hüquq komitəsi 4 böyük texnoloji şirkətə qarşı antimonopoliya istintaqı aparır. Söhbət, Apple, Amazon, Facebook Alphabet (Google şirkətinin sahibi) şirkətlərindən gedir. Komitənin sədri olan Jerry Nadler-in sözlərinə əsasən bu şirkətlərdən ibarət qrupun online kommersiya və kommunikasiya bazarının böyük bir hissəsinin ələ keçirtməsi barəsində məlumat var.

    Bu məsələnin aydınlaşdırılması üçün konqress sadalanmış şirkətlərdən onların fəaliyyətlərini əks etdirən sənədləri tələb edib. Bu barədə CNBC saytı xəbər verib. Konqress tərəfindən tələb olunan sənədlər əsasən rəqabət praktikalarını, vacib iş qərarlarını və şirkət CEO-larının elektron ünvanlarındakı özəl məktubları əhatə edir. Lakin konqressi ən çox maraqlandıran Amazon CEO-su Jeff Bezos-un, Apple CEO-su Tim Cook-un, Facebook CEO-su Mark Zuckerberg-in və Alphabet şirkətinin əsas şəxsləri olan Larry Page-in, Sergey Brin-in və Eric Schmidt-in özəl yazışmalarıdır.

    Bununla yanaşı ABŞ hökuməti Facebook şirkətinin Instagram, Whatsapp servislərini və Onavo adlı analitik şirkətini almasını, Amazon şirkətinin potensial rəqabət təhlükəsinə sahib alqoritmlərini və Google şirkətinin reklam biznesini araşdırır. Apple şirkətinə gəldikdə isə daha öncədən çoxlu sayda məlumat yayılmışdı ki, şirkət App Store online mağazasında rəqiblərin tətbiqlərindən daha çox öz tətbiqlərinə üstünlük verir. Bu şirkətlər vacib sənədləri və CEO-larının yazışmalarını 14 oktyabr tarixinə kimi təqdim etməlidirlər.



SİZƏ MARAQLI OLACAQ BİR NEÇƏ MƏLUMAT


ABŞ sanksiyalarına baxmayaraq Huawei şirkətinin gəlirləri yüksəlib

Huawei şirkəti bu ilin ilk 9 ayı ərzində əldə etdiyi gəlirlərdən danışıb.


SpaceX şirkəti Yer kürəsinin orbitini Starlink internet peykləri ilə əhatə etməy..

SpaceX şirkəti artıq Yer kürəsinin orbitinə Starlink layihəsi çərçivəsində 60 ədəd internet peykini ..


3 illik fəaliyyətdən sonra Google şirkəti Daydream VR layihəsini bağladı

Şirkət VR cihazı satışdan çıxartdı və tətbiqlərdən ibarət platformanın inkişafını dayandırdı...


Huawei P40 və P40 Pro smartfonları eyni anda iki əməliyyat sistemi əldə edə bilə..

Huawei şirkəti HarmonyOS əməliyyat sistemini hələ avqust ayında təqdim etmişdi.


Samsung şirkəti yeni ekran dizaynının patentini aldı

Smartfon ekranının ön panelin çox hissəsini əhatə etməsi yolunda istehsalçılar ön kameranın yerləşdi..


Google'dan yeni naqilsiz Pixel Buds 2 qulaqlığı - QİYMƏTİ

Made by Google təqdimat tədbiri çərçivəsində Google şirkəti naqilsiz Pixel Buds 2 qulaqlıqlarını təq..