Yeni neyron şəbəkəsi istifadəçinin mətn sorğusu əsasında müxtəlif təsvirlər yaratmağı öyrənib
Süni İntellekt
07.01.2021
Emil Nəcəfov
OpenAI qeyri kommersiya təşkilatının tərtibatçıları DALL-E adlı neyron şəbəkəsi əsasında hazırlanmış yeni alqoritmi təqdim ediblər. Mütəxəssislər artıq bu alqoritmi 2021-ci ilin ən innovasiyalı məhsulu adlandırırlar. Təqdim olunmuş yeni alqoritmin əsas özəlliyi isə ondan ibarətdir ki, o, istifadəçinin mətn formatında olan sorğusu əsasında müxtəlif növ təsvirləri generasiya edir. Beləliklə sözügedən alqoritm yüksək realistikliyə sahib orijinal təsvirləri yarada bilir. Bu barədə 4pda saytı xəbər verib. Məsələn, sözügedən alqoritmə ilbiz formasında arfanın və ya qarğıdalı ilə kökdən dronun yaradılması sorğusunu göndərmək olar.
Cavab olaraq isə neyron şəbəkəsi istifadəçinin sorğusuna əsasən yaradılmış təsviri təqdim edəcək. Bu halda istifadəçi tərəfindən istənilən təsvirdəki əşyanın reallıqda mövcud olub-olmaması alqoritmə maraqlı deyil. Tərtibatçılar bildiriblər ki, neyron şəbəkənin təlimatlandırılmasında internetdən götürülmüş 400 milyon cüt mətn-təsvir data setindən istifadə olunub. DALL-E-nin heyrətləndirici nəticələr sərgiləməsinə baxmayaraq tərtibatçılar onu open source kimi paylaşmağa tələsmirlər. Onların fikirlərinə əsasən neyron şəbəkənin təkmilləşdirilmiş generasiya modelləri cəmiyyətə güclü təsir göstərə, birmənalı olmayan sosial və iqtisadi nəticələrə səbəb ola bilər.
Linki kopyala
Həftənin xəbərləri
Whatsapp yaxın zamanda 2 yeni funksiyanı əldə edəcək
Qutusu açılmamış birinci nəsil iPhone modeli 15 Pro Max-dan təxminən 80 qat baha qiymətə satılıb!