Fransanın ən tanınmış imperatoru olan Napoleon Bonapart-ın əsl görüntüsü Süni Zəka vasitəsilə yenidən yaradıldı. Hollandiyalı fotoqraf olan Bas Uterwijk, imperator Napoleon-un çəkilmiş bütün şəkillərini bir araya toplayaraq təkrar işlədi. Bu prosesdə ona Süni Zəka kömək oldu. Yaşadağı dövrdə Jacques Louis-David, Horace Vernet və Vasiliy Vereşagin kimi məşhur rəssamlar tərəfindən portreti hazırlanan Napoleon-un bu səfər şəkli Süni Zəka ilə tamamlandı.

        “Ganbrood” ləqəbli Hollandiyalı fotoqraf tərəfindən hazırlanan bu şəkil Art Breeder ilə müxtəlif portretlərindən əldə edildi. Fotoqrafın dediklərinə görə şəklin hazırlanması zamanı Napoleon-un üst geyimi rəssam Jacques-Louis David tərəfindən hazırlanan tablodan götürülüb. Nəticəyə baxdığımız zaman isə demək olar ki, Süni Zəkanın işi mükəmmələ yaxındır. Lakin Uterwijk-in dediyinə görə Süni Zəka texnologiyalarının biraz daha təkmilləşməsinə ehtiyac var. O zaman ən mükəmməl görüntüləri əldə etmək mümkün olacaq.