Reklam
Suda üzməyi bacaran mini robotlar digər planetlərdə həyat növünün axtarışı ilə məşğul olacaqlar

Suda üzməyi bacaran mini robotlar digər planetlərdə həyat növünün axtarışı ilə məşğul olacaqlar

Süni zəka və Elm
04.07.2022 PAYLAŞIM

    NASA-nın Reaktiv Hərəkətlər Laboratoriyasının mühəndisi və robotlar üzrə mütəxəssisi olan Ethan Schaler kiçik ölçülü robotlar konsepsiyasını yaradıb. Konsepsiyaya əsasən həmin robotlar qrup şəklində çalışaraq müasir tədqiqat aparatlarından fərqli olaraq Günəş sistemi planetlərinin peyklərindəki yeraltı okeanlarını daha yaxşı araşdıra biləcəklər. Suda üzən mini robotların yaradılması layihəsi üçün Schaler artıq 600.000$ dəyərində qrant əldə edib. O hesab edir ki, onun yaradacağı kiçik ölçülü robotlar qrupu yeraltı okeanların tədqiqatı və potensial həyat növünün axtarılması üçün effektiv üsul olacaq. Sözügedən robotlar əsasən Yupiterin Avropa, Saturnun isə Enselad adlı peyklərində potensial mövcud olan yeraltı okeanların tərkiblərini və mümkün həyat növü üçün lazım olan şərtlərini analiz edə biləcəklər.


    “Mənim konsepsiyam hələ ki, NASA-nın heç bir rəsmi missiyasına daxil edilməyib. Lakin mənim çalışan prototip yaratmağım üçün 2 il zamanım var. Hesab edirəm ki, suda üzməyi bacaran bu cür kiçik robotlardan ibarət qrup böyük həcmdə okean sularını araşdıra və bir aparatdan daha çox məlumat yığa bilər’ - deyə Schaler qeyd edib. Schaler-in hazırladığı bu kiçik robotlar SWIM adını əldə ediblər. Sözügedən robotlar 12 sm uzunluğa və 60-75 kub sm həcmə sahib olacaqlar. İlkin konsepsiyaya əsasən 40 ədəd robot xüsusi aparatın daxilinə yerləşdiriləcək. Həmin aparat isə buzlaqlardan ibarət səthdən keçib yeraltı okeana çatandan sonra həmin robotları suya buraxacaq. Robotlar xüsusi aparatın yalnız 15% sahəsini tutacaqlar. Bu isə o deməkdir ki, robotları təyinat nöqtəsinə çatdıracaq aparatda əlavə elmi təchizatlar mövcud ola bilər.

    Həmin alətlər sayəsində aparat bu və ya digər peykin buz örtüyünü və yeraltı okeanının yuxarı layını araşdıra bilər. Mini robotlar tərəfindən əldə ediləcək bütün məlumatlar ilk növbədə həmin xüsusi aparata, daha sonra həmin aparatdan peyk səthində yerləşən eniş moduluna və sonda eniş modulundan Yer kürəsinə göndəriləcək. Schaler-in sözlərinə əsasən hər bir mini robot öz mühərrikinə, kiçik kompüterinə, əlaqə üçün nəzərdə tutulmuş təchizatına və okeanların temperaturlarını, təzyiqlərini, turşuluq və duz səviyyələrini ölçmək üçün xüsusi sensorlara sahib olacaq. Ən əsası isə həmin robotların gövdələrində potensial həyat növünün təyin edilməsi üçün nəzərdə tutuluş sensor da mövcud olacaq. NASA-nın, Yupiterin peyki olan Avropaya reallaşdırılacaq ən yaxın missiyası Europa Clipper adlı kosmik aparatın uçuşu olacaq. Onun uçuşu 2024-cü ilə planlaşdırılır. Bunun baş verəcəyi halda artıq 2030-cu ildə kosmik aparat Avropa peykinə çatacaq və onu daha detallı şəkildə araşdıra biləcək.

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


Alimlər hansı bakteriyanın Marsda sağ qala biləcəyini öyrəniblər

Alimlər tərəfindən aparılmış yeni tədqiqata əsasən bakteriya növlərindən biri Mars planetində sağ qa..


James Webb teleskopu kainatın ən qədim qalaktikası statusunu əldə edə biləcək ye..

Alimlər iyul ayının birinci yarısında öz elmi fəaliyyətinə start vermiş James Webb teleskopundan gəl..


James Webb teleskopu 28 milyard işıq ili uzaqlığında yerləşən ulduzu öz yeni fot..

James Webb kosmik teleskopu keçən ay ilk kosmik fotolarını göndərdiyi andan aktiv şəkildə çalışmağa ..


James Webb teleskopu 500 milyon işıq ili uzaqlığında yerləşən qalaktikanın fotos..

James Webb kosmik teleskopu Yer kürəsindən 500 milyon işıq ili uzaqlığında yerləşən ESO 350-40 adlı ..


Alimlər 12 milyard il yaşa sahib qaranlıq materiya aşkar ediblər

Yapon alimlər yeni tədqiqat çərçivəsində kainatda ən geniş yayılmış maddə olan sirli qaranlıq materi..


Tarixdə dördüncü pasient İİV-dən (İnsanın İmmunçatışmazlığı Virusu) xilas ola bi..

Tarixdə dördüncü şəxs İİV-dən xilas ola bilib. Kaliforniyadakı müalicə mərkəzinin şərəfinə “City of ..

×