Müasir tibb QİÇS virusuna yoluxmuş xəstələrə həyatlarının sonunadək müxtəlif növ dərmanların qəbulunu təklif edir. Lakin o, orqanizmdə QİÇS-i tamamilə məhv etmək gücünə hələki sahib deyil. Buna baxmayaraq ABŞ-dan olan mütəxəssislər immun sisteminin hüceyrələrdə gizlənmiş QİÇS virusunu aşkar etməyə və onu aradan qaldırmağa imkan verən alətlərin aktivləşdirilməsinə gətirib çıxardan yeni üsul kəşf ediblər. İlk klinik təcrübələr onu göstəriblər ki, yeni üsul yatmış QİÇS-dən yoluxmuş hüceyrələri təmizləməyə imkan verir. Bu barədə New Atlas saytı xəbər verib. Artıq uzun illər ki, QİÇS diaqnozu heç də ölüm hökmü hesab edilmir. Belə ki, yaradılmış antivirus dərmanlar bu virusun yayılmasının qarşısını alırlar. Bu isə öz növbəsində xəstələr üçün normal həyata qayıtmağa şərait yaradır.

    Aparılmış yeni tədqiqatlar yaxın gələcəkdə orqanizmdə QİÇS virusunun tamamilə məhv edilməsinin mümkün olacağına ümid verir. Vaşinqton Universitetinin alimləri tərəfindən yaradılmış yeni üsul CARD8 adlı inflammasoma üzərində qurulub. Bu, immun sisteminin siqnalizasiyası rolunda çıxış edir və QİÇS proteazının zülalını aşkar edərək onun məhvi üçün onu işarələyir. Məsələ burasındadır ki, QİÇS virusu hiyləgərdir və aşkar olunmaqdan yayınmağı yaxşı bacarır. Belə ki, virus hüceyrəyə daxil olan zaman o bu zülalı deaktivləşdirir və adətən immun hüceyrələrdən ayrılandan sonra onu aktiv hala salır. Bu halda CARD8 onu aşkar edə bilmir.

    Bu üsul ilə xəstə şəxsin orqanizmini yatmış QİÇS-dən tamamilə qurtarmaq olar. Bundan əlavə olaraq QİÇS proteazını yenidən aktivləşdirən dərmanlardan biri olan efavirenz bu xəstəliyin müalicəsində aktiv şəkildə test olunur. İnsan hüceyrələri üzərində aparılmış təcrübə onu göstərib ki, bu üsul virusun məhv olunması öhdəliyini yerinə yetirir. Bu üsul həmçinin QİÇS-in bütün dünyada yayılmış alt növlərinə qarşı da effektivdir. Növbəti mərhələdə heyvanların orqanizmləri təcrübədən keçəcəklər. Daha sonra isə klinik təcrübələrə start vermək mümkün olacaq.