Mətn formatında təsvirlər əsasında fotoların tərtib edilməsini reallaşdıran ən məşhur neyron şəbəkələrindən biri olan Midjourney 5-ci versiyaya kimi yenilənib. Midjourney v5-də ciddi dəyişikliklər edilib. Məsələn, neyron şəbəkəsi insan fotolarında artıq düzgün sayda barmaqları tərtib edə bilir. Ümumilikdə Midjourney v5-in tərtib etdiyi fotolar daha realistik görünürlər. Bununla yanaşı yeni versiya daha yüksək keyfiyyətli fotoların tərtib edilməsi imkanını verir və üstəlik özündə bir çox foto tərzini birləşdirir. Ən əsası isə odur ki, yenilənmiş Midjourey insanlarda artıq düzgün sayda barmaqlar ilə dişləri tərtib edə bilir. Qeyd etmək lazımdır ki, Midjourney-in daha öncəki versiyası insanların fotolarında onların 6 və ya daha artıq barmağa sahib olmalarına səbəb olurdu.