Elon Musk Mars planetinin terraformalaşdırılmasından və orda olacaq ilk yaşayış şəhərindən danışıb
Süni İntellekt
23.11.2020
Emil Nəcəfov
Elon Musk artıq uzun illərdir ki, Mars planetində insan koloniyasının yaradılması planını nəzərdən keçirdir. Bir neçə müddət bundan öncə pərəstişkarları ilə söhbət edən zaman o, Marsda olacaq ilk şəhər barəsində təsəvvürlərini təqdim edib. Bu barədə Futurism.com saytı xəbər verib. İlk öncə Musk bildirib ki, Marsda olacaq ilk sakinlər şüşə materialdan hazırlanacaq böyük günbəzin daxilində yaşayacaqlar. Daha sonra o, terraformalaşdırma prosesi barəsində danışıb.
Onun sözlərinə əsasən gələcəkdə Mars planetinin səthi Yer kürəsində olduğu kimi həyat üçün münbit şəraitə çevriləcək. Lakin, bu, Marsa yollanacaq ilk insanların yaşadıqları bir dövrdə reallaşmayacaq. “Terraformalaşdırma çox ləng gedən bir prosesdir və biz onun nəticələrini görməyəcəyik. Lakin biz ən azından bunun təməlini yarada bilərik. Hər halda gələcək kosmik sivilizasiya bu xarabalıqları aşkar edərək təəccüblənəcək ki, insanlar bu qədər inkişaf edə biliblər” - deyə Musk qeyd edib.
Bir sıra nəzəriyyəyə əsasən Mars planetinin səthini münbit şəraitə çevirmək üçün onun səthini hər gün 3500 ədəd nüvə silahı ilə bombalamaq lazımdır. Bu isə öz növbəsində atmosfer təzyiqini yüksəldərək Marsın qütblərində olan buzlaqları əridəcək və parnik effektini yaradacaq. Lakin bu halda radioaktiv şüalanma probleminin həlli hələki bilinməz olaraq qalır. Təbii ki, bu, çox gələcək zamanların perpektivləridir. Lakin Musk bildirib ki, 2024-cü ildə Marsa ilk kosmik raket göndəriləcək. 2050-ci ilə kimi isə Marsda yaşayacaq insanların sayı milyona çatacaq.
Linki kopyala
Həftənin xəbərləri
"Premium" dizayna malik uyğun qiymətli smartfon: HONOR X8b bizə nələri vəd edir?
Whatsapp yaxın zamanda 2 yeni funksiyanı əldə edəcək