Generativ süni zəka sahəsinin həcmi 10 il ərzində 1 trilyon dollardan çox olacaq
Tech-Biznes
Startup və Biznes
e-ticaret
05.06.2023
Emil Nəcəfov
Süni zəka əsaslı ChatGPT və Google Bard çat-botlarının istifadəyə verilmələri İT sahənin generativ süni zəka sistemlərinə marağını artırdı. Analitiklərin fikirlərinə əsasən növbəti onillikdə bu cür sistemlərin qazandıqları gəlirlər ümumilikdə 1.3 trilyon dollara yüksələ bilər. Bloomberg-in verdiyi məlumata əsasən 2022-ci ildə süni zəka sahəsinin əldə etdiyi ümumi gəlir 40 milyard dollar təşkil edib. 2032-ci ilə kimi isə bu göstərici 1.3 trilyon dollara yüksələ bilər. Bu isə süni zəka sahəsinin illik ortalama 42% göstərici ilə genişlənməsi deməkdir.
Əsasən süni zəka ilə bağlı proqram təminatları, süni zəka assistentləri, proqram təminatı kodlarını yazmaqda yardımçı olan sistemlər 2032-ci ilə kimi 280 milyard dollar mənfəət qazandıra bilərlər. Lakin süni zəka texnologiyalarından istifadə üzrə ən böyük gəliri hardware təminatı gətirəcək. Belə ki, bu sahədə hardware təminatının 2032-ci ilə kimi 641 milyard dollar mənfəət qazandıracağı gözlənilir. Bloomberg Intelligence-in baş texnoloji analitiki Mandeep Singh-in sözlərinə əsasən növbəti 10 il ərzində generativ süni zəka sahəsində böyük və sürətli yüksəliş baş verəcək və həmin yüksəliş texnoloji sektorun hal hazırda çalışma tərzini tamamilə dəyişəcək.
Linki kopyala
Həftənin xəbərləri
Whatsapp yaxın zamanda 2 yeni funksiyanı əldə edəcək
Qutusu açılmamış birinci nəsil iPhone modeli 15 Pro Max-dan təxminən 80 qat baha qiymətə satılıb!