iPhone 7-dən başlayaraq Apple şirkəti öz smatfonlarını suya qarşı dözümlü edir. Beləliklə şirkət öz smartfonlarının su ilə əlaqəsi zamanı onların yüksək dözümlüklərinə zəmanət verir. Məlum olub ki, bu üsul ilə şirkət öz istifadəçilərini aldadır. Hər halda İtaliyanın antimonopoliya xidməti bu cür düşünərək Apple şirkətini cərimələyib. Bu barədə 4pda saytı xəbər verib. Apple şirkətinin rəsmi saytında olan məlumata əsasən iPhone 12 və iPhone 12 mini modelləri sudan, tozdan qorunma özəlliyinə sahibdirlər və bu smartfonlar xüsusi laboratoriya şəraitində test ediliblər.

    İldən-ilə Apple öz smartfonlarında düşüşə və suya dözümlülüyü daha yüksək səviyyəyə yüksəldir. Məsələn Apple şirkətinin rəsmi saytında olan məlumata əsasən iPhone 12 seriyasının modelləri 30 dəqiqə ərzində 6 metr dərinlikdə qala bilirlər. Lakin İtaliyanın antimonopoliya xidmətinin fikrincə bu üsulla Apple şirkəti öz istifadəçilərini aldadır. Belə ki, antimonopoliya xidmətinin fikrincə şirkət heç yerdə smartfonların bu özəlliklərinin yalnız xüsusi şəraitlərdə çalışdığını qeyd etməyib. Xüsusi şərait dedikdə isə tamamilə təmiz suyun olduğu laboratoriya testləri nəzərdə tutulur. Lakin gündəlik istifadə şərtləri bura daxil deyillər.

    Antimonopoliya xidmətinin verdiyi bəyanat iPhone 8, iPhoen 8 Plus, iPhone XR, iPhone XS, iPhoen XS Max, iPhone 11, iPhone 11 Pro və iPhone 11 Pro Max modellərini əhatə edir. Bundan əlavə olaraq Apple daha bir məsələdə də günahlandırılır. Belə ki, şirkətin öz smartfonlarına təqdim etdiyi zəmanət onların sudan əldə etdikləri zərəri əhatə etmir. Hesabatda qeyd edilib ki, bu cür qərar da həmçinin istifadəçilərin fikirlərini səhv istiqamətə yönləndirir. Bütün bu bəyanatlardan sonra İtaliyanın antimonopoliya xidməti Apple Distribution International ilə Apple Italia-nı 10 milyon avro dəyərində cərimələyib.