ABŞ-da Huawei və ZTE şirkətlərinin təchizatlarının satışı tamamilə qadağan edilib
Tech-Biznes
Startup və Biznes
e-ticaret
28.11.2022
Farid Pardashunas
Bloomberg-in verdiyi məlumata əsasən ABŞ-ın Federal Rabitə Komissiyası Huawei, ZTE, Hikvision, Dahua və Hytera şirkətlərinin elektron təchizatlarının ABŞ regionunda satılmasını qadağan edib. Bu qərar hələ 2018-ci ildə Donald Trump hakimiyyəti vaxtından qəbul edilmiş qadağalar zəncirinin son addımı oldu. Sözügedən Çin şirkətlərinin təchizatlarının importu və satışının qadağan edilməsinin əsas səbəbi milli təhlükəsizlik ilə bağlıdır. Verilmiş məlumata əsasən Huawei və ZTE şirkətlərinin etibar edilməyən telekommunikasiya təchizatlarının ABŞ sərhədlərində istifadəsinə qadağa qoyulur.
ABŞ Federal Rabitə Komissiyası öz qərarını ABŞ vətəndaşlarının və milli təhlükəsizliyinin qorunmasına hədəflənmiş tədbirlərin vacib hissəsi hesab edir. Qeyd etmək lazımdır ki, hələ bir neçə müddət bundan öncə ABŞ-ın dövlət departamentlərinə adları sadalanmış bu şirkətlərdən təchizatların alınması qadağan edilmişdi və onların alınması üçün dövlət subsidiyalarının təqdim edilməsi dayandırılmışdı. Hikvision və Dahua şirkətlərinin videomüşahidə kameraları ilə digər komponentləri daha öncə ABŞ-ın müxtəlif dövlət departamentləri tərəfindən istifadə edilirdi.
Linki kopyala
Bənzər xəbərlər
Oxşar xəbərlər
Həftənin xəbərləri
YouTube öz yeni dizaynını test etməyə başlayıb
Telegram-ın yaradıcısı Pavel Durov geniş müsahibə verib (VİDEO)