Reklam
Youtube kontent müəlliflərinə lisenziya olunmuş mahnılardan istifadə etməyə imkan verəcək

Youtube kontent müəlliflərinə lisenziya olunmuş mahnılardan istifadə etməyə imkan verəcək

Sosial Media
21.09.2022 PAYLAŞIM

    Made on Youtube tədbiri çərçivəsində videoservis Creator Music adlı proqramı anons edib. Sözügedən proqram kontent müəlliflərinə öz videolarının monetizasiyası üçün lisenziya olunmuş mahnılardan istifadə etmək imkanını verəcək. Hal hazırda bu proqram ABŞ-da test mərhələsindədir. Lakin gələn il o həmçinin digər regionlarda da aktiv olacaq. Creator Music proqramı çərçivəsində qarşılıqlı əlaqənin iki variantı güman edilir. Birinci variant çərçivəsində kontent müəllifləri mahnıları birbaşa lisenziyalaşdıracaqlar və gəlirin bütün hissəsini (Youtube-un 45%-lik komissiyası istisna olmaqla) əldə edəcəklər.

    İkinci varianta əsasən isə kontent müəllifləri öz gəlirlərini mahnıların lisenziya sahibləri ilə bölüşəcəklər. Məlumata əsasən Youtube-un bu yeni proqramı videoplatformadakı kontent müəlliflərinin 27.5%-ni əhatə edəcək. Daha əvvəllər Youtube daxilində istifadəçilərin öz kontentlərində mahnılardan istifadə etmələri problemli proses idi. Belə ki, onlar öz kontentlərinin monetizasiyasını dayandırmamaq üçün lisenziya vergisi olmayan mahnılardan istifadə etməli olurdular.


    Çünki müəllif hüququ sahibininin icazəsi olmadan məşhur ifaçının mahnısının hətta kiçik bir hissəsinin istifadəsi də videonun Youtube-da bloklanmasına səbəb ola bilər. Mövcud olan məlumatlara əsasən Youtube artıq 50-yə yaxın musiqi şirkəti, nəşriyyatı və distribyutoru ilə müqavilə bağlayıb. Lakin onların arasında hələ böyük musiqi şirkətləri yoxdur. Bununla belə Youtube təmsilçisi qeyd edib ki, Creator Music proqramının istifadəçiləri öz kontentlərində bir neçə yüz min mahnıdan istifadə edə biləcəklər. Aydın məsələdir ki, bunun sayəsində Youtube öz platformasına yeni istifadəçiləri cəlb etməyi hədəfləyib.

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


Instagram Explorer bölməsində və istifadəçilərin hesablarında reklam elanları sə..

Verilmiş məlumata əsasən yaxın zamanda istifadəçilər Instagram ilə qarşılıqlı əlaqədə olan zaman dah..


Youtube-da 4K videoların izlənmə imkanı yalnız Youtube Premium istifadəçiləri üç..

Youtube Premium-a sahib olmayan istifadəçilər videoplatformada videoların izlənməsi zamanı əlavə ola..


Instagram öz istifadəçilərini mesajlardakı çılpaq kontentlərdən qoruyacaq..

Instagram istifadəçiləri mesajlarda arzuolunmaz çılpaq fotolardan qoruyacaq yeni mexanizm üzərində ç..


Mozilla: 'Youtube-un məsləhət məqsədli alqoritmləri heç də düzgün şəkildə çalışm..

Firefox brauzeri ilə tanınan Mozilla şirkətinin aparmış olduğu irimiqyaslı tədqiqata əsasən Youtube-..


Youtube interfeysində bəzi dəyişikliklər olacaq

Youtube öz yenilənmiş interfeysini tədricən istifadəyə verməyə başlayb.

×