Azərbaycanda "Youtuberlik sənəti"nin kifayət qədər inkişaf etməməsinin əsas günahını elə izləyicilərdə görmək olar. Doğrusunu yazsaq, ölkənin Youtube trendlərinə nəzər saldıqda, əslində acınacaqlı bir Youtube mədəniyyətinin olduğunu görə bilərik. Bu acınacaqlı vəziyyətə buradan baxa bilərsiniz. (məsləhətdir ki, heç baxmayasınız) Lakin tam keçid dövründə bu mədəniyyəti Azərbaycanda formalaşdırmağa çalışan və sevdiyi işi görərək pul qazanan youtuberləri də unutmaq olmaz. Xüsusilə bu sektorda xanımların aktivliyi kişilərə nisbətən daha çoxdur. (Səbəb az sonra bilinəcək) Apardığımız kiçik araşdırma onu göstərir ki, Azərbaycanda ən çox izlənən meyxana kanalları ilə bərabər bir spesifik sektor da var ki, izləyicinin əsas seçimidir. Söhbət məhz xanımların maraq saldığı bir sahə - Makeup, gözəllik və baxımdan gedir. 

Çoxumuz Azərbaycanda normal Youtube izləyicisinin (Seriala və meyxanaya baxmayan) olmadığından şikayətlənsək də, son olaraq əldə etdiyimiz məlumatlara əsasən Azərbacyanda Youtube izləyənlərin 30%-i Türk youtube kanallarına daha çox maraq salır. Bura əyləncə və oyun kanalları daxildir. Son zamanlarda 12 yaş üzərində olan uşaqların da ölkəmizdə youtuberliyə başlaması əslində gələcək üçün yaxşı mesaj verir. 

Bu məqaləmizdə öz əməyi və əziyyəti ilə iş görən və izləyicilərini məmnun edən azərbaycanlı xanımların Youtube kanalları ilə sizləri tanış edəcəyik. Təbii ki, kanaları seçən zaman izləyici, abunə və videoların davamlılığını nəzərə almışıq. Qısacası Technote olaraq sizə azərbaycanlı xanımlar tərəfindən yaradılan bu 5 youtube kanalını məsləhət görə bilərik.

Makiyaj, gözəllik, baxım və moda ilə bağlı video bloqalar çəkən Turana Zeynalova kanalında 16.968 izləyiciyə və 3.000.000- yaxın baxış sayına sahibdir və bugünə qədər 143 video yayımlayıb. 

Gözəllik və baxım mövzusunda xanımların inandığı bir sima olan Səma Abıyevanın nə az nə çox düz 37.408 youtube izləyicisi və 11.000.000 baxış sayı var. Bugünə qədər kanalda 201 video yayımlanıb.

Yenə eyni kateqoriyalarda fəaliyyət göstərən Aysel xanımın 10.483 izləyicisi var. Kanalında 84 video yayımlayan xanım əsasən gözəllik və həyat tərzi mövzularında videolar çəkir.

Gözəllik və baxım mövzunda bu kanal digər kanallara nisbətən az abunəyə malik olsa da video keyfiyyətinə görə ön plana çıxır. 4.4000 abunəyə malik kanalda 32 video yerləşdirilib. Kanal 8 aydır fəaliyyətə başladığı üçün yeni sayıla bilər.

Gözəllik və baxım mövsundan kənar bir kanalla qarşımızda olan Turanə, videolarını mükəmməl keyfiyyətdə təqdim edir. Turana Hazırlayır adı altında yayımlanan videolara ac baxmaq məsləhət deyil. Kanalın 3.677 abunəsi mövcuddur və kanalda 24 video yerləşdirilib.

Əsasən səyahət mövzularında videoların yayımlandığı bu kanalı da unutmaq olmaz. 3829 abunəyə malik kanalda 141 video yerləşdirilib.