SoundCloud servisi 75 milyon dollar investisiya əldə etdi
Sosial Media
12.02.2020
Farid Pardashunas
Məşhur musiqi servisi olan SoundCloud ABŞ-ın SiriusXM adlı radioşirkətindən 75 milyon dollar investisiya əldə etdi. Bu barədə Vc.ru saytı xəbər verib. 2018-ci ildən başlayaraq Pandora adlı streaming servisi məhz SiriusXM şirkətinə məxsusdur. SoundCloud servisi əldə edilmiş investisiyanı yeni məhsulların və xidmətlərin hazırlanmasına xərcləməyi planlaşdırır.
Buna qarşılıq olaraq SiriusXM şirkəti SoundCloud-un minoritar payını və direktorlar şurasında 2 yerini əldə edəcək. Müqavilənin digər şərtləri və SoundCloud-un bazar dəyərləndirilməsi barəsində məlumat verilməyib. 2007-ci ildə yaradılmış SoundCloud servisi musiqiçilərə öz bəstələrini yaymaq imkanını verir. Crunchbase saytındakı məlumata əsasən servis sonuncu dəfə 2017-ci ildə investisiya əldə etmişdi. Həmin vaxtda investisiyanın miqdarı 169.5 milyon dollar təşkil etmişdi. Həmin investisiya nəticəsində isə servisin bazar dəyəri 500 milyon dollara yüksəlmişdi.
Linki kopyala
Bənzər xəbərlər
Oxşar xəbərlər
Həftənin xəbərləri
YouTube öz yeni dizaynını test etməyə başlayıb
Telegram-ın yaradıcısı Pavel Durov geniş müsahibə verib (VİDEO)