Skype Meet Now: Qeydiyyata və tətbiqə ehtiyac duymadan videokonfrans yaratmaq üçün servis
Sosial Media
04.04.2020
Farid Pardashunas
Skype tərtibatçıları Meet Now adlı yeni faydalı servisi anons ediblər. Bu barədə Gagadget saytı xəbər verib. Bu servis Skype tətbiqini yükləmədən və qeydiyyatdan keçmədən videokonfransların yaradılmasını mümkün edir. Bunun üçün Meet Now səhifəsinə daxil olmaq və “Pulsuz yığışmanı yaratmaq” düyməsinə klik etmək lazımdır. Bundan sonra servis xüsusi linki generasiya edəcək və istifadəçi həmin linki həmsöhbət olmaq istədiyi şəxsə göndərəcək.
Generasiya ediləcək link vasitəsilə videokonfransda 50-ə yaxın insan iştirak edə bilər. Linkin çalışma müddəti olmadığından onu həmişəlik istifadə etmək olar. Hələ ki, bu cür özəllik yalnız Microsoft Edge və Google Chrome brauzerlərində çalışır. Bundan əlavə olaraq Meet Now bütün platformalarda olan Skype tətbiqinə də inteqrasiya edilib. Servis artıq istifadəyə verilib.
Linki kopyala
Bənzər xəbərlər
Oxşar xəbərlər
Həftənin xəbərləri
Huawei Pura 70 və Pura 70 Pro təqdim olunublar - QİYMƏTİ
Telegram-ın yaradıcısı Pavel Durov geniş müsahibə verib (VİDEO)