Meta şirkəti Facebook ilə Instagram-da NFT-lərin dəstəyi ideyasından imtina edib
Sosial Media
14.03.2023
Farid Pardashunas
Meta şirkəti Facebook ilə Instagram-da NFT-lərin dəstəklənməsi ideyasından imtina edib. Halbu ki, 1 il bundan öncə şirkət sözügedən platformalarda NFT-lərin dəstəyi üzrə irimiqyaslı planlara sahib olduğunu elan etmişdi. Yarım il bundan öncə isə Facebook və Instagram istifadəçilərinə NFT-lərin dəstəyi test rejimində təqdim edilmişdi. “Hal hazırda biz, kolleksiya üçün nəzərdə tutulmuş rəqəmsal obyektlərin inteqrasiyası ideyasından imtina edirik və bloggerlər, istifadəçilər və biznesin dəstəklənməsi üçün digər üsullara diqqət ayırırıq” - deyə Meta-nın kommersiya və maliyyə texnologiyaları şöbəsinin rəhbəri Stephane Kasriel qeyd edib. Məlumatda qeyd edilib ki, Facebook ilə Instagram-da NFT-lərin dəstəklənməsi üçün ayrılmış resurslar Reels videolarının monetizasiyalarına və şirkətin messencerləri daxilindəki ödənişlərə yönləndiriləcək. Şirkətin öz platformalarında NFT dəstəyindən nəyə görə imtina etdiyi barəsində məlumat verilməyib. Belə ki, hələ bir neçə müddət bundan öncə güman edilirdi ki, bu texnologiya metakainatda əsas rol oynayacaq faktorlardan biri olacaq.
Linki kopyala
Bənzər xəbərlər
Oxşar xəbərlər
Həftənin xəbərləri
Huawei Pura 70 və Pura 70 Pro təqdim olunublar - QİYMƏTİ
Telegram-ın yaradıcısı Pavel Durov geniş müsahibə verib (VİDEO)