Məşhur ev kirayəsi servisi olan Airbnb 2020-ci ildə IPO keçirtməyi planlaşdırır
Sosial Media
19.09.2019
Emil Nəcəfov
Qısamüddətli ev kirayəsi sahəsində fəaliyyət göstərən Airbnb şirkəti səhmlərin birjada ilkin yerləşdirilməsini 2020-ci ildə keçirtməyi planlaşdırır. Bu barədə şirkətin bəyanatına istinadən Vc.ru saytı xəbər verib. 18 sentyabr tarixində şirkət bildirdi ki, bu ilin ikinci rüb göstəricilərinə əsasən ilk 3 ay ərzində əldə olunmuş ümumi gəlirin miqdarı şirkət tarixində ikinci dəfə 1 milyard dolları keçib. Lakin şirkət gəlirli olub-olmaması barəsində bir məlumat verməyib.
15 sentyabr tarxindəki statistikaya əsasən 2008-ci ildə istifadəyə verildiyi vaxtdan bəri bu servisdə öz evlərini kirayə vermiş istifadəçilər ümumilikdə 80 milyard dollar vəsait qazanblar. Hal hazırda Airbnb-nin bazasında bütün dünya üzrə 100.000-ə yaxın şəhərdə 7 milyon daşınmaz əmlak var. Şirkət öz IPO-nun hansı formatda keçirilməsi barəsində məlumat verməyib. Lakin Reuters saytının məlumatlarına əsasən şirkət birbaşa listinq keçirtməyi planlaşdırır. Bu halda səhmlər investorların iştirakı ilə keçirilən ön satışlar olmadan azad satışa buraxılır.
Linki kopyala
Həftənin xəbərləri
Whatsapp yaxın zamanda 2 yeni funksiyanı əldə edəcək
Qutusu açılmamış birinci nəsil iPhone modeli 15 Pro Max-dan təxminən 80 qat baha qiymətə satılıb!