Mac kompüterləri üçün Whatsapp-ın yeni versiyası hazırlanır
Sosial Media
13.07.2022
Farid Pardashunas
Meta şirkəti Mac kompüterləri üçün Whatsapp messencerinin yeni versiyası üzərində çalışır. Bu barədə WABetaInfo saytı xəbər verib. Məlumatda qeyd edilib ki, messencerin hazırlanan yeni versiyası macOS tərzində dizayna sahib olacaq və Apple şirkətinin M1, M1 Pro, M1 Max, M1 Ultra və M2 prosessorlarının dəstəklərini əldə edəcək. Adları sadalanmış prosessorların dəstəklərinin əldə edilməsi hesabına messencer daha sürətli şəkildə çalışacaq və daha az enerji sərfiyyatı reallaşdıracaq. Qeyd etmək lazımdır ki, hal hazırda Mac kompüterləri üçün aktual olan Whatsapp tətbiqi Intel prosessorları üzrə optimizasiya edilib M seriyasına daxil olan prosessorlara sahib Mac kompüterlərində yalnız Rosetta 2 tətbiqi vasitəsilə çalışır. Məlumata əsasən Meta şirkəti Mac üçün yeni Whatsapp versiyasını artıq test etməyə başlayıb və o, yaxın zamanda istifadəyə verilməlidir.
Linki kopyala
Bənzər xəbərlər
Oxşar xəbərlər
Həftənin xəbərləri
YouTube öz yeni dizaynını test etməyə başlayıb
Telegram-ın yaradıcısı Pavel Durov geniş müsahibə verib (VİDEO)