İran Telegram-ı bloklamağı və onu başqa messencer ilə əvəz etməyi planlaşdırır
Sosial Media
01.04.2018
Emil Nəcəfov
İran hökuməti bu ilin Aprel ayının
sonuna kimi məşhur Telegram messencerini ölkədə bloklamağı planlaşdırır. Bu barədə
İranın Mehr adlı agentliyi xəbər verib. İranın Milli Təhlükəsizlik
Komissiyasının rəhbəri Alaeddin Boroujerdi-nin sözlərinə əsasən İran hökuməti
messencerin ölkədəki etirazların təşkilatçılığında böyük rol oynadığı üçün
Telegram-ı bloklamağı planlaşdırır. Telegram-ın yerini isə 20 Aprel tarixindən
istifadəyə veriləcək Soroush adlı yerli messencer tuta bilər.
Qeyd etmək
lazımdır ki, keçən ilin Dekabr ayında İran hökuməti Telegram-a və Instagram-a
girişi məhdudlaşdırmışdı. Telegram-ın yaradıcısı Pavel Durov-un sözlərinıə görə
messencer həmin vaxtda ona görə məhdudlaşdırıldı ki, şirkət dinc etirazçıların
messencerdəki kanallarını bağlamaqdan imtina etmişdi. Bu ilin Yanvar ayında isə
messenceri blokdan çıxartmışdılar. Məlumata əsasən həmin vaxtda messencerin məhdudlaşdırılması
ucbatından yüzlərlə şirkət zərər çəkmiş, 100.000 insan isə işsiz qalmışdır.
Linki kopyala
Həftənin xəbərləri
Whatsapp yaxın zamanda 2 yeni funksiyanı əldə edəcək
Qutusu açılmamış birinci nəsil iPhone modeli 15 Pro Max-dan təxminən 80 qat baha qiymətə satılıb!