İnsanlara pişik mırıltısı bəxş edən sayt
Sosial Media
04.07.2017
Farid Pardashunas
Bir çox şeyin əsl olmadığı mürəkkəb 21-ci əsrdə sən demə pişik mırıltısını da elektron şəkildə imitasiya etmək mümkündür.
Purrli.com saytına daxil olan zaman siz öz zövqünüzə uyğun
pişik mırıltısı səsisini işə sala və onu istədiyiniz kimi ayarlaya bilərsiniz.
Və bu mırıltı səsindən sonsuza qədər zövq almaq olar. Bundan əlavə olaraq real
həyatdakı kimi hansısa pişiyi yemləməyə belə ehtiyac qalmır. Xüsusi ayarlar
vasitəsilə siz, mırıltı səsini daha yuxulu və ya oyaq şəkildə edə, mırıltı səsinin
xarakterini seçə və hətta pişiyin nəfəs alıb-vermə sürətini dəyişə bilərsiniz.
Həmin ayarlar sayəsində elə pişik mırıltısı yaranır ki, o hətta ən dəlisov
pişik sevəri belə razı sala bilir. “Mən fikirləşirdim ki, elektron pişik
mırıldaması sadəcə bir zarafat olacaq. Mən bunu ciddi deyil, yalnız əyləncə
kimi qəbul edirdim. Lakin müsbət rəyləri oxuyandan sonra necə səhv etdiyimi
anladım" - deyə sözügedən saytın yaradıcısı qeyd edib. Qeyd etmək lazımdır ki, ev heyvanları vasitəsilə terapiya son
zamanlarda çox geniş yayılıb. Əgər bu cür terapiya sizə kömək edəcəksə, onda həmin
pişik mırıltılarına saatlarla, günlərlə və hətta həftələrlə qulaq asa bilərsiniz.
Linki kopyala
Bənzər xəbərlər
Oxşar xəbərlər
Həftənin xəbərləri
YouTube öz yeni dizaynını test etməyə başlayıb
Telegram-ın yaradıcısı Pavel Durov geniş müsahibə verib (VİDEO)