main-post-cover

    Facebook-a Dark Mode və Koronavirus izləmə funksiyaları gəlir (Android)

    Sosial Media
    07.06.2020
    Nijat Hamid
            Facebook uzun zamandır ki, Android versiyasına Dark Mode gətirmək üçün işləyir. Yeni çıxan xəbərlərə görə isə artıq Dark Mode funksiyası tam hazırdır və istifadəyə verilməsi planlanır. Həmçinin bəzi başqa yeniliklər də istifadəyə veriləcək. Bunlardan biri Koronavirus izləmə, digəri isə Səssiz Mod adı verilən funksiyadır.

    Facebook, Android versiyası üçün Dark Mode funksiyasını artıq tamamlayıb və istifadəyə verməyə hazırlaşır.

            9to5Google tərəfindən verilən məlumata görə yeni Dark Mode funksiyası Android 10 ilə tam uyğun işləyə bilir. Lakin Android 10-dan daha aşağı sistemlərdə də Ayarlar menyusundan aktivləşdirilə biləcək. Digər bir yenilik isə Koronavirus izləmə funksiyadır. Beləliklə istifadəçilər bu funksiya ilə olduqları bölgədə koronavirusa yoluxanların sayını izləyə biləcək. Verilən statistika 3 həftəni əhatə edəcək. Səhifənin ən yuxarısında isə dünya üzrə yoluxanların sayı göstəriləcək.
            3-cü bir yenilik isə Səssiz Mod olacaq. Bu yenilik ilə istifadəçilər Facebook tərəfindən göndərilən bütün bildirişləri səssizə ala biləcəklər. Bu funksiya hal-hazırda iOS versiyada aktivdir. Lakin Android üçün növbəti günlərdə aktivləşdiriləcək. Bundan başqa Səssiz modu müəyyən saat aralığı üçün də planlamaq mümkün olacaq. Beləliklə istifadəçi həmin saat aralığında Facebook-dan heç bir halda bildiriş almayacaq.
            Bəhs etdiyimiz bu 3 yenilik hələki bütün istifadəçilər üçün aktivləşdirilməyəcək. Müəyyən sayda istifadəçiyə verildikdən sonra dünya üzrə hər kəs üçün açıq hala gətiriləcək. 
    Linki kopyala