Microsoft Office tətbiqlərinin mobil versiyalarındakı 2 funksiyanı il sonuna kimi deaktiv edəcək
Proqram Təminatı
Servislər
16.11.2022
Emil Nəcəfov
Microsoft şirkəti Office tətbiqlərinin mobil versiyalarında 2 funksiyanı bu ilin sonuna kimi deaktiv edəcək. Söhbət, Transfer Files və Nearby Sharing adlı funksiyalardan gedir. Transfer Files funksiyası Office tətbiqlərindəki faylları kompüterə göndərmək imkanını verir. Bu proses özündə URL ünvanı aktivləşdirməyi, iki cihazın sinxronlaşması üçün nəzərdə tutulmuş QR kodun skanını və faylların göndərilməsini birləşdirir.
Microsoft-un fikrincə Transfer Files funksiyasını rahatlıqla OneDrive ilə əvəz etmək olar. O isə öz növbəsində Office tətbiqlərinə inteqrasiya edilib. Nearby Sharing funksiyasına gəldikdə isə adından da bəlli olduğu kimi o, bir-birinə yaxın olan Android cihazlar arasındakı fayl mübadiləsini mümkün edir. Lakin Microsoft-un fikrincə bu funksiya şirkət müştərilərinin bütün tələblərinə cavab verə bilmir. Beləliklə Office tətbiqlərinin mobil versiyalarında Transfer Files və Nearby Sharing funksiyaları 31 dekabr tarixində deaktiv ediləcək.
Linki kopyala
Həftənin xəbərləri
Whatsapp yaxın zamanda 2 yeni funksiyanı əldə edəcək
Qutusu açılmamış birinci nəsil iPhone modeli 15 Pro Max-dan təxminən 80 qat baha qiymətə satılıb!