Microsoft Copilot adlı süni zəka köməkçisini OneNote tətbiqinə inteqrasiya edib
Proqram Təminatı
Servislər
06.04.2023
Farid Pardashunas
OneNote tətbiqi Microsoft-un ofis tətbiqlər paketinin əsas alətlərindən biri hesab edilməsə də, o, istifadəçilər arasında çox məşhurdur. İndi isə məlum olub ki, şirkət sözügedən tətbiqə yeni funksiyalar əlavə edib. Söhbət, süni zəka əsaslı funksiyalardan gedir. Daha öncə Copilot adlı süni zəka köməkçisi Word, Excel, PowerPoint, Outlook və Teams-ə inteqrasiya edilmişdi. İndi isə bu süni zəka köməkçisi OneNote tətbiqinə inteqrasiya edilib. Söhbət, hələ ki, bəzi funksiyalardan gedir.
Məsələn istifadəçi OneNote-da Copilot-dan hansısa tədbirin planını tərtib etməyi və ya yeni səhifədə hansısa qeydin tezislər şəklində ümumiləşdirilməsini istəyə bilər. İstifadəçi isə öz növbəsində Copilot tərəfindən tərtib edilmiş istənilən kontentə baxa, tərtib edilmiş kontentin gözləntiləri qarşılamadığı halda Copilot-dan onun yenidən tərtib edilməsini tələb edə və ya ümumiyyətlə tərtib edilmiş kontenti silə bilər. OneNote tətbiqi daxilində Copilot ilk növbədə məhdud sayda istifadəçi arasında test ediləcək və daha sonra hamı üçün aktivləşdiriləcək. Bunun isə nə zaman baş verəcəyi bilinmir.
Linki kopyala
Bənzər xəbərlər
Oxşar xəbərlər
Həftənin xəbərləri
YouTube öz yeni dizaynını test etməyə başlayıb
Telegram-ın yaradıcısı Pavel Durov geniş müsahibə verib (VİDEO)