Microsoft şirkətinin Bing axtarış sisteminə süni zəka əsaslı funksiyaların inteqrasiya edilməsi ona qlobal bazarda bəzi üstünlüklər qazandırır. Statcounter adlı analitik şirkətin verdiyi məlumata əsasən aprel ayında Bing-in kompüterlər üçün nəzərdə tutulmuş versiyasının məşhurluğu Çində sürətlə yüksəlməyə başladı. Nəticədə Bing-in Çin bazarındakı payı 37.4% təşkil etdi. O, Çinin Baidu adlı yerli axtarış sistemindən 10% qabaqdadır. Baidu-nun Çin bazarındakı payının 27.01%-ə enməsi Bing-ə lider mövqeləri əldə etməyə yardımçı olub.

    Çində ən məşhur axtarış sistemlıəri reytinqində üçüncü yeri Sogou (16.36%), dördüncü yeri Yandex (7.45%), beşinci yeri Haosou (6.25%), altıncı yeri isə Google (5.2%) tutur. Bing-in bu qədər məşhur olmasının əsas səbəblərindən biri də ona süni zəka əsaslı funksiyalar ilə çat-botun inteqrasiya edilməsidir. Fevral ayında Bing GPT-3.5-dən istifadə etməyə başladı, mart ayında isə artıq GPT-4-ə keçid etdi. Bing-in Çində çox məşhur olması axtarış sistemləri bazarının dinamik təbiətindən və bu bazarın əsas oyunçuları arasındakı rəqabətin yüksəlməsindən xəbər verir.