Huawei NetGPT adlı süni zəka əsaslı çat-bot üzərində çalışır
Proqram Təminatı
Servislər
28.04.2023
Farid Pardashunas
Çinin texnoloji nəhənglərindən biri olan Huawei özünün NetGPT adlı süni zəka əsaslı çat-botu vasitəsilə OpenAI şirkəti ilə rəqabət aparmaq niyyətindədir. Huawei NetGPT əmtəə nişanını qeydiyyatdan keçirmək üçün Çinin Əmtəə Nişanları və Patentləri Agentliyinə bir neçə müddət bundan öncə rəsmi sorğu göndərib. Məlumatda qeyd edilib ki, NetGPT adlı əmtəə nişanı qeydiyyatdan keçirilən məhsullar kateqoriyasında 9-cu sinifə daxil olan məhsullara aid edilir.
Bu kateqoriya isə özündə elmi məhsulları birləşdirir. Şirkət tərəfindən göndərilmiş sorğuya hal hazırda agentlik tərəfindən baxılır. Huawei NetGPT adlı süni zəka əsaslı çat-bot üzərində çalışdığını rəsmi şəkildə açıqlamayıb. Qeydiyyat sorğusunda isə çat-bot barəsində hansısa konkret bir məlumat yoxdur. Huawei hələ bir neçə müddət bundan öncə bildirmişdi ki, o, ChatGPT-ni öz məhsullarına inteqrasiya etməyəcək və bunun yerinə daha təkmilləşdirilmiş süni zəka texnologiyalarının yaradılması ilə məşğul olacaq.
Linki kopyala
Bənzər xəbərlər
Oxşar xəbərlər
Həftənin xəbərləri
Huawei Pura 70 və Pura 70 Pro təqdim olunublar - QİYMƏTİ
Telegram-ın yaradıcısı Pavel Durov geniş müsahibə verib (VİDEO)