Google Now Launcher bu ay fəaliyyətini dayandıracaq
Proqram Təminatı
Servislər
05.04.2023
Emil Nəcəfov
Pixel smartfonlarından əvvəl Google şirkəti öz smartfonlarını Nexus brendi altında istehsal edirdi və həmin smartfonlarda Google Now Launcher-dən istifadə edilirdi. Bu, bir növ təmiz Android idi. Google Now Launcher 2013-cü ildə Nexus 5 adlı smartfon ilə birlikdə təqdim edilmişdi. Lakin daha sonra şirkət Nexus brendini bağladı və Pixel brendini təqdim etdi. Bu illər ərzində Google Now Launcher-dən hələ də istifadə etmək mümkün idi. İndi isə məlum olub ki, şirkət Google Now Launcher-i bağlamaq qərarına gəlib.
Qeyd etmək lazımdır ki, sözügedən launcher-in əsas fərqləndirici özəllikləri arasında heç bir ayarlanmaya məruz qalmamış interfeys və Google Now servisi var idi. Google Now Launcher-in 14.4 nömrəli son beta versiyasının öz istifadəçilərinə göndərmiş olduğu bildirişdə qeyd edilib ki, launcher artıq bu ay öz fəaliyyətini dayandıracaq. Google öz növbəsində istifadəçilərə digər launcher-ə keçid etməyi məsləhət görüb. İstifadəçi bunu fərdi şəkildə etmədiyi halda onun smartfonu şirkət tərəfindən təyin edilmiş standart istifadəçi interfeysinə avtomatik şəkildə keçid edəcək.
Linki kopyala
Həftənin xəbərləri
Whatsapp yaxın zamanda 2 yeni funksiyanı əldə edəcək
Qutusu açılmamış birinci nəsil iPhone modeli 15 Pro Max-dan təxminən 80 qat baha qiymətə satılıb!