HBO telekanalı məşhur Game of Thrones serialının final sezonunun təqdimat tarixini açıqladı. Bütün gözləntilərə baxmayaraq serialın final sezonu bir qədər tez təqdim olunacaq. Belə ki, bir çox əvvəlki məlumatlara əsasən serial gələn ilin yay fəslində təqdim olunmalı idi. Lakin HBO-nun rəsmi bəyanatında qeyd olunub ki, serialın final sezonu gələn ilin Aprel ayında təqdim olunacaq. Qeyd etmək lazımdır ki, final sezon serialın tarixində çəkilmiş ən irimiqyaslı sezondur. Belə ki, onun əsas döyüş səhnələrinin tək çəkilməsinə 55 gün sərf edilib.