Yeni OnePlus 9RT smartfonu və naqilsiz Oneplus Buds Z2 qulaqlıqları təqdim olunub - QİYMƏTİ

Yeni OnePlus 9RT smartfonu və naqilsiz Oneplus Buds Z2 qulaqlıqları təqdim olunub - QİYMƏTİ

Mobil Cihazlar
13.10.2021 PAYLAŞIM

    OnePlus şirkti yeni OnePlus 9RT smartfonunu təqdim edib. Bu model ilin əvvəlində təqdim edilmiş OnePlus 9R-in təkmilləşdirilmiş versiyasıdır. Maraqlısı ondadır ki, yeni OnePlus 9RT modeli tamamilə yeni texniki özəlliklər ilə yanaşı yeni xarici görünüş də əldə edib. OnePlus 9RT 120 Hz-lik təsvir yenilənməsinə sahib Full HD+ keyfiyyətli 6.55 düym E4 OLED ekran ilə təchiz olunub. Ekranın yuxarı sol hisəssində ön kamera üçün nəzərdə tutulmuş kiçik dairəvi çıxıntı yerləşdirilib. Barmaq izi skanı texnologiyası birbaşa ekrana inteqrasiya edilib.


    Əsas texniki özəlliklərə gəldikdə isə smartfon Snapdragon 888 prosessoru, 8/12 GB RAM, 128/256 GB daxili yaddaş həcmi, 50 MP (f/1.8 diafraqma, OIS) + 16 MP (f/2.2 diafraqmalı və 123 dərəcə bucaq təsvirli ultragenişbucaqlı obyektiv) + 2 MP (f/2.4 diafraqmalı makroobyektiv) üçlü arxa kamera, 16 MP-lik (f/2.4 diafraqma) ön kamera və 65 vatt gücündə sürətli şarj texnologiyalı 4500 mAh enerji tutumlu batareya ilə təchiz olunub. Smartfon həmçinin kontaktsız ödənişlər üçün nəzərdə tutulmuş NFC çipə də sahibdir. OnePlus 9RT 19 oktyabr tarixində satışa çıxacaq. Onun satış qiymətləri isə aşağıdakı kimidir:

- 8 GB RAM + 128 GB yaddaş - 512$

- 8 GB RAM + 256 GB yaddaş - 543$

- 12 GB RAM + 256 GB yaddaş - 590$.

    OnePlus 9RT smartfonu ilə birlikdə şirkət həmçinin yeni naqilsiz OnePlus Buds Z2 qulaqlıqlarını da təqdim edib. Əvvəlki OnePlus Buds Z modelindən fərqli olaraq yeni Buds Z2 modeli ətraf səs-küyün aktiv boğulması funksiyasını dəstəkləyir. Yeni qulaqlıqlar 11 düym-lük dinamik drayverlər ilə təchiz olunublar. Qulaqlıqların silikon materialdan hazırlanmış başlıqları dəyişdirilə bilir və onların müxtəlif ölçüdə variantları var. Xarici görünüşcə yeni qulaqlıqlar əvvəlki modelə bənzəyirlər. Bundan əlavə olaraq Buds Z2-nin gövdəsinə əlavə mikrofonlar inteqrasiya edilib. Onlar isə öz növbələrində ətraf səs-küyün aktiv boğulmasından cavabdehdirlər.

    Şirkətin məlumatına əsasən bunun sayəsində qulaqlıqlar ətraf səs-küyün 40 dB-ə (desibel) kimi boğulmasını təmin edirlər. OnePlus Buds Z2 həmçinin Dolby Atmos, Bluetooth 5.2 texnologiyalarını dəstəkləyir və qulaqlıqların gövdələri IP55 standartı üzrə sudan qorunma özəlliyinə sahibdirlər. Ətraf səs-küyün aktiv boğulması funksiyasının deaktiv olduğu halda yeni qulaqlıqlar şarj keysi ilə birlikdə 38 saat ərzində, ətraf səs-küyün aktiv boğulması funksiyasının aktiv olduğu halda isə 27 saat ərzində çalışırlar. OnePlus Buds Z2 77$ qiymətində satışa çıxacaq.

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


Fərdi Google prosessoruna sahib Pixel 6 və Pixel 6 Pro smartfonları təqdim olunu..

Google şirkəti rəsmi şəkildə Pixel 6 və Pixel 6 Pro smartfonlarını təqdim edib.


OnePlus həmtəsisçisinin Nothing adlı yeni brendi yaxın aylarda ilk smartfonunu t..

Ortaya çıxmış yeni məlumatlara əsasən OnePlus şirkətinin həmtəsisçisi Carl Pei özünün Nothing adlı y..


Samsung öz smartfonlarının böyük hissəsini Exynos prosessorlarına keçirdəcək..

Məlum olub ki, Samsung şirkəti kənar mobil prosessor istehsalçılarından olan asılılığını azaltmaq ni..


Yeni Xiaomi Black Shark 4S və 4S Pro gamer smartfonları təqdim olunub - QİYMƏTİ..

Xiaomi şirkəti Black Shark 4 və Black Shark 4 Pro gamer smartfonlarının yenilənmiş versiyalarını təq..


iPhone SE 3-ün sahib olacağı özəlliklər barəsində məlumatlar verilib

Yaponiyanın Macotakara saytı öz mənbələrinə istinadən Apple şirkətinin ən büdcəli iPhone smartfonunu..


iPhone 13 Pro-nun maya dəyəri məlum olub

TechInsights şirkətinin mütəxəssisləri iPhone 13 Pro modelinin daxili komponentlərini analiz edərək ..

×