Xiaomi şirkəti öncədən heç bir anons etməyərək sakit şəkildə Xiaomi 12 Lite smartfonunu təqdim edib. Sözügedən smartfon performanslı texniki özəlliklər, 108 MP-lik əsas arxa kamera, yüksək sürətli şarj texnologiyası və aktual Android versiyası əldə edib. Beləliklə Xiaomi 12 Lite smartfonu 120 Hz-lik təsvir yenilənməsinə sahib Full HD+ keyfiyyətli 6.55 düym AMOLED ekran ilə təchiz olunub. Ekranın yuxarı mərkəz hissəsində ön kamera üçün nəzərdə tutulmuş kiçik dairəvi çıxıntı yerləşdirilib. Bundan əlavə olaraq smartfonun ekranı HDR10+ və Dolby Vision texnologiyalarını dəstəkləyir. Həmçinin ekran Gorilla Glass 5 qoruyucu şüşəsi ilə əhatə edilib. Barmaq izi skanı texnologiyası birbaşa ekrana inteqrasiya edilib.

    Əsas texniki göstəricilərə gəldikdə isə Xiaomi 12 Lite modeli 8 nüvəli Snapdragon 778G prosessoru, 6/8 GB RAM, 128/256 GB daxili yaddaş həcmi, 108 MP + 8 MP (120 dərəcə bucaq əhatəsi) + 2 MP üçlü arxa kamera, 32 MP-lik ön kamera və 67 vatt gücündə sürətli şarj texnologiyalı 4300 mAh enerji tutumlu batareya ilə təchiz olunub. Smartfonun gövdsi IP53 standartı üzrə sudan qorunur və özündə Dolby Atmos dəstəkli stereo səsgücləndiricilər ilə kontaktsız ödənişlər üçün nəzərdə tutulmuş NFC çipi birləşdirir. Xiaomi 12 Lite MIUI 13 interfeysli Android 12 vasitəsilə çalışır. Smartfonun satışlarına 9 iyul tarixində start veriləcək. Onun qiyməti 590$-dan başlayacaq.