Bir neçə ay ərzində olmuş məlumat sızıntılarından sonra Xiaomi şirkəti Redmi Note 13 smartfon seriyasının təqdimatını rəsmi şəkildə anons edib. Beləliklə rəsmi anonsa əsasən Redmi Note 13 smartfon seriyası 21 sentyabr tarixində təqdim olunacaq. Təqdimat tədbiri isə Çində baş tutacaq. Redmi Note 13 smartfonlarının qlobal versiyalarına gəldikdə isə onlar çox güman ki, gələn ilin əvvəlində təqdim olunacaq. Son məlumat sızıntılarına əsasən bu yeni smartfon seriyasına 5 model daxil olacaq. Lakin böyük ehtimal ilə şirkət təqdimat zamanı onlardan yalnız üçünü sərgiləyəcək. Söhbət, Redmi Note 13, Note 13 Pro və Note 13 Pro+ modellərindən gedir.