OnLeaks ləqəbli məşhur insayder Nothing Phone (2)-nin keyfiyyətli render fotolarını təqdim edib. Təqdim edilmiş fotolardan belə qənaətə gəlmək olar ki, Nothing Phone (2) xarici görünüşcə Nothing Phone (1)-dən heç də fərqlənməyəcək. Lakin bu belə deyil. İlk öncə onu qeyd etmək lazımdır ki, yeni smartfonun gövdəsinin kənar hissələri daha dairəvi olacaq. Bir qayda olaraq ekranın da kənar hissələri bir qədər dairəvi formada olacaq. Şirkət Nothing Phone (2)-də işıqlandırmanı dəyişəcək.

    Belə ki, yeni smartfon ikili içşıqlandırmanı əldə edəcək. Həmçinin Nothing Phone (2) modeli Nothing Phone (1)-in fərqləndirici özəlliyi olan Glyph adlı işqılandırma sisteminin təkmilləşdirilmiş versiyasına sahib olacaq. Texniki özəlliklərə gəldikdə isə Nothing Phone (2) 120 Hz-lik təsvir yenilənməsinə sahib Full HD+ keyfiyyətli 6.7 düym OLED ekran, Snapdragon 8+ Gen 1 prosessoru və 4700 mAh enerji tutumlu batareya ilə təchiz olunacaq. Smartfon Android 13 vasitəsilə çalışacaq. Nothing Phone (2) gələn ay təqdim edilməlidir.