Samsung gələn ilin əvvəlində ənənəyə sadiq qalaraq Galaxy S seriyasının yeni smartfonlarını təqdim etməlidir. Söhbət, Galaxy S24 smartfonlarından gedir. Gözləntilərə əsasən bu seriyaya daxil olacaq modellərdən biri isə Galaxy S24 Ultra olacaq. Verilmiş yeni məlumata əsasən şirkət Galaxy S23 Ultra-dan fərqli olaraq Galaxy S24 Ultra-nın kameralarında vacib dəyişiklik edə bilər. Belə ki, məlumata əsasən şirkət Galaxy S24 Ultra-da 3 qat optik zoom-a sahib kamera əvəzinə 5 qat optik zoom-a sahib kamera ilə təchiz edəcək. Əsas periskop kamera isə özündə 10 qat optik zoom-u qoruyub saxlayacaq.