Foxconn zavodlarında iPhone-lardan əlavə olaraq Android smartfonlar da istehsal edilir. Bloomberg saytı isə iPhone-lar ilə Android smartfonların yığılması arasında diqqət çəkən fərq barəsində məlumatı təqdim edib. Bloomberg-in təqdim etmiş olduğu məqalə Foxconn zavodlarında iPhone-ların yığılması üzrə yeni rəhbər qismində Michael Chiang-ın təyin edilməsinə həsr edilib. Michael Chiang-ın sözlərinə əsasən Android smartfonların yığılması üzrə Çindən olan şirkətlərin tələblərindən fərqli olaraq Apple şirkətinin keyfiyyət standartlarına riayət etmək üçün 12 dəfə daha çox işçi lazım olur. iPhone-nun yığılması və keyfiyyət idarəsinin riayət edilməsi üçün istehsalat xəttində 1200 nəfər işçi lazım olur.

    Bu prosesdə iştirak edən 1200 nəfər işçidən hər biri bu və ya digər smartfon elementinin yığılmasından, ayrı-ayrı istehsal prosesindən və əvvəlki işçilərin yerinə yetirmiş işlərin yoxlanılmasından cavabdehdir. Çindən olan Android smartfon istehsalçıları üçün istehsalat xəttində eyni prosesin yerinə yetirilməsi üçün isə 100 nəfər işçi kifayət edir. Apple öz keyfiyyət standartlarını təkcə istehsalçıların zavodlarına deyil, həmçinin öz podratçılarının müəssisələrinə də inteqrasiya edir. Məsələn iPhone-lar üçün ekran istehsalı ilə məşğul olan Samsung Display şirkəti elə bir vəziyyət ilə qarşılaşmışdı ki, onun istehsal etdiyi ekranların yalnız 60%-i Apple şirkətinin keyfiyyət idarəsindən keçirdi. Lakin daha sonra şirkət bu göstəricini 80%-ə kimi yüksəltdi.

Bənzər xəbər

Xiaomi şirkəti daha bir qatlana bilən smartfon patentini əldə etdi