main-post-cover

    Twitter yaradıcısı Jack Dorsey, ABŞ-da keçirilən maraqlı sosial təcrübəyə 3 milyon dollar yatırıb

    Tech-Biznes
    Maliyyə və investisiya
    e-ticaret
    10.07.2020
    Emil Nəcəfov
        Twitter-in yaradıcısı Jack Dorsey, ABŞ-ın 14 şəhərindən ümumilikdə 7 milyon insanı əhatə edəcək ümumi baza gəlirinin təmin olunması üçün nəzərdə tutulmuş Mayors for a Guaranteed Income adlı təcrübəni maliyyələşdirib. Jack Dorsey bu layihəyə 3 milyon dollar yatırıb. Bu barədə Business Insider saytı xəbər verib. Bu layihədə iştirak edən merlər öz şəhələrində sözügedən layihəni işə salmağı planlaşdırırlar. Lakin layihənin nə zaman işə salınacağı bilinmir. Missisipi ştatının paytaxtı Cekson-da və Kaliforniya ştatının Stokton şəhərində yeni layihə artıq test olunur.
        Merlər sözügedən layihəni milli səviyyəyə yüksəltmək istəyirlər. Buna görə də onlar federal hüquqşünaslar ilə əməkdaşlıq edirlər. Layihənin təşkilatçıları əmindirlər ki, təmin edilmiş baza gəliri əhalini yoxsulluqdan çıxartmağa və pandemiyanın təsirlərini yüngülləşdirməyə yardımçı olacaq. Buna baxmayaraq təşkilatçılar hansı şəxslərin hansı məbləğdə baza gəliri əldə edəcəklərini qeyd etməyiblər. Layihənin tənqidçiləri düşünürlər ki, bu cür layihələrin iqtisadi nəticələri hələ tam araşdırılmayıb və baza gəlirini əldə edəcək şəxslər çalışmaq üçün motivasiyanı itirə bilərlər. 
    Linki kopyala