Növbəti maliyyələşdirmə raundu çərçivəsində SpaceX şirkəti 1.68 milyard dollar investisiya cəlb edib. Bu, şirkətin ilk əvvəl planlaşdırdığı məbləğdən bir qədər aşağı olub. Lakin buna baxmayaraq SpaceX-in bazar dəyəri 125 milyard dollara yüksəlib. Verilmiş məlumata əsasən SpaceX şirkəti səhmlərini 74 investordan ibarət qrupa satıb. İlk əvvəl şirkət hal hazırki investisiya raundu çərçivəsində 1.72 milyard dollar investisiya əldə etməyi planlaşdırırdı. Bununla belə yeni investisiylar sayəsində şirkət öz bazar dəyərini 125 milyard dollara yüksəldib.

    Qeyd etmək lazımdır ki, daha öncə şirkətin bazar dəyəri 100 milyard dollar təşkil edirdi. Əldə edilmiş vəsaitlər sayəsində şirkət Starlink peyk interneti layihəsinin reallaşdırılmasını davam etdirə biləcək. Qeyd etmək lazımdır ki, bu layihə çərçivəsində şirkət Yer kürəsinin aşağı orbitinə kiçik ölçülü telekommunikasiya peyklərini yerləşdirir və həmin peyklər sürətli internet bağlantısını təmin edirlər. Bundan əlavə olaraq SpaceX həmçinin Starship raketi üzərində çalışmağa davam edir. Onun ilk orbital uçuş testinin yaxın zamanda baş verməsi gözlənilir.