Elon Musk öz Twitter hesabında yeni iti barəsində məlumat verib. İlk baxışdan adi hesab edilən bu tweet kriptovalyuta bazarında ardıcıl hadisələrin baş verməsinə səbəb olub. Belə ki, Musk-ın yeni tweet-i mövcud olan kriptovalyutanın qiymətini qaldırıb və tamamilə yeni kriptovalyutanın yaranmasına səbəb olub. Öz yeni tweet-də Musk, şiba-inu cinsinə aid olan itinə uyğun adı seçdiyini qeyd edib. Belə ki, Musk öz itinin adını Floki qoymağa qərar verib. Sözügedən tweet sayəsində Shiba Inu adlı kriptovalyutanın dəyəri 26% yüksəlib. 9 dəqiqədən sonra isə Uniswap adlı kriptovalyuta birjasında Elon Musk-ın itinin adı şərəfinə Floki adlı yeni token yaradılıb.

    1 saat ərzində bu tokenin dəyəri 795% yüksəlib və daha sonra dəyər yüksəlişi 3500% təşkil edib. Sözügedən kriptovalyutanın hal hazırki qiymətini bu linkdən izləmək olar. 2000-ə yaxın insan bu tokenin mayninqi ilə məşğuldur. Qeyd etmək lazımdır ki, bu, Elon Musk-ın bir tweet ilə kriptovalyuta bazarına təsir göstərməsi üzrə ilk hal deyil. Daha öncə Musk dəfələrlə öz tweet-ləri sayəsində Doge adlı kriptovalyutanın dəyərini qaldırıb. Hətta bir neçə müddət bundan öncə məşhur Anonymous hacker qruplaşması bundan narazı olaraq Musk-a müharibə də elan etmişdi. Belə ki, hackerlər məşhur milyarderin tez-tez kriptovalyuta bazarına təsir göstərməsindən narazıdırlar.