Yaponiyanın kriptovalyuta birjalarından birindən 100 milyon dollar dəyərində kriptovalyuta oğurlanıb
Təhlükəsizlik
20.08.2021
Emil Nəcəfov
Yaponiyanın ən böyük kriptovalyuta birjalarından biri olan Liquid Global kimliyi bilinməyən hackerlər tərəfindən kiberhücuma məruz qalıb. Reallaşdırılmış kiberhücum nəticəsində hackerlər bir sıra rəqəmsal portmanatı hack edərək ümumi dəyəri 100 milyon dollar olan kriptovalyuta oğurlayıblar. Sözügedən kiberhücumdan hansı sayda istifadəçinin zərər çəkdiyi barəsində məlumat yoxdur. Bununla yanaşı Liquid Global bldirib ki, o, oğurlanmış kriptovalyutalar ilə bağlı olan tranzaksiyaları izləməkdə davam edir.
Bunun sayəsində şirkət oğurlanmış kriptovalyutaların istifadəsini bloklaya və onları istifadəçilərə geri qaytara bilər. Qeyd etmək lazımdır ki, bu, son 1 ay ərzində baş verən ikinci böyük kriptovalyuta oğurluğudur. Hələ 10 avqust tarixində Mr. White ləqəbli hacker Poly Network kriptoplatformasını hack edərək ümumi dəyəri 600 milyon dollar olan rəqəmsal valyuta oğurlamışdı. Həmin kiberhücumdan 10.000-ə yaxın istifadəçi zərər çəkmişdi. Lakin həmin hadisənin nəticəsində hacker oğurladığı bütün vəsaiti geri qaytarmışdı.
Linki kopyala
Həftənin xəbərləri
"Premium" dizayna malik uyğun qiymətli smartfon: HONOR X8b bizə nələri vəd edir?
Whatsapp yaxın zamanda 2 yeni funksiyanı əldə edəcək