Milyonlarla istifadəçinin məlumatları bilinməyən zərərli proqram təminatı tərəfindən oğurlanıb

Milyonlarla istifadəçinin məlumatları bilinməyən zərərli proqram təminatı tərəfindən oğurlanıb

Kibertəhlükəsizlik
10.06.2021 PAYLAŞIM

    Kibertəhlükəsizlik sahəsində fəaliyyət göstərən tədqiqatçılar login və şifrələrdən, cookies fayllardan, brauzerlərdki autocomplete məlumatlardan və hətta ödəniş məlumatlarından ibarət böyük ölçülü məlumatlar bazasını aşkar ediblər. Maraqlısı ondadır ki, bütün bu məlumatlar bilinməyən zərərli proqram təminatı tərəfindən oğurlanıb və onun hansı zərərli proqram təminatı olduğu hələ təyin edilməyib. Ortaya çıxmış məlumatlar bazasının ümumi həcmi 1.2 TB (terabayt) təşkil edir. Sözügedən məlumatlar bazasının daxilində 26 milyon istifadəçi hesabı, 1.1 milyon elektron poçt ünvanı, 2 milyarddan çox cookies məlumatlar və 6.6 milyon digər fayllar mövcuddur.

    Bu məlumat sızıntısı barədə xəbəri NordLocker şirkətinin mütəxəssisləri veriblər. Aşkar edilmiş məlumatlar bazasının analizi onu göstərib ki, ayrı-ayrı hallarda istifadəçilər öz şifrələrini Notebook sistem tətbiqi vasitəsilə yaradılmış fayllarda sadə mətn şəklində saxlayıblar. Bundan əlavə olaraq mütəxəssislər bu məlumatlar bazasında milyondan çox foto və 650.000-dən çox Word PDF formatlı sənəd aşkar ediblər. Bütün bu məlumatları oğurlamış zərərli proqram təminatı screenshot və veb kamera vasitəsilə fotolar da çəkə bilirmiş.


    Həmçinin məlum olub ki, məlumatlar bazasına daxil edilmiş məlumatların bir hissəsi messencerlərdən, elektron poçt servislərindən, fayl mübadiləsi tətbiqlərindən və s. kimi mənbələrdən əlavə edilib. Mütəxəssislər belə qənaətə gəliblər ki, aşkar edilmiş məlumatlar 2018-2020-ci illər arasındakı müddətdə oğurlanıblar. 3 milyona yaxın istifadəçi bu hadisənin qurbanına çevrilib. NordLocker şirkətinin mütəxəssisləri düşünürlər ki, bu hadisənin arxasında darkweb-də satılan zərərli proqram təminatı dayanır. Buna baxmayaraq mütəxəssislər sözügedən zərərli proqram təminatının növünü və hətta onun hansı sinif zərərli proqram təminatına aid olduğunu təyin edə bilməyiblər.

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


Apple dələduzluq məqsədli tətbiqlər sayəsində milyonlar qazanır

Apple şirkətinin iOS əməliyyat sisteminin təhlükəsizliyi və App Store platformasındakı yüksək səviyy..


FBI saxta messencer vasitəsilə bütün dünya üzrə 800-ə yaxın cinayətkarı yaxalayı..

Aparılmış Trojan Shield adlı beynəlxalq əməliyyat çərçivəsində bütün dünya üzrə minlərlə polisin işt..


Məşhur Anonymous hacker qruplaşması Elon Musk-a müharibə elan edib (VİDEO)..

Anonymous adlı məşhur hacker qruplaşması yeni video yayımlayıb və həmin videoda SpaceX ilə Tesla şir..


Google Chrome brauzeri yeni təhlükəsizlik funksiyaları əldə edib

Google Chrome brauzerinin yeni versiyası potensial təhlükə mənbəyinə sahib fayllardan və hətta geniş..


Google Play servisləri istifadəçiləri izləməyi dayandıracaqlar

Google şirkəti kontekst reklam elanlarının göstərilməsi üçün istifadə olunan istifadəçi identifikato..


Android əməliyyat sistemində yeni bank troyanları aşkar edilib

Rumıniyanın Bitdefender adlı (eyniadlı antivirusun yaradıcısı) şirkəti Android istifadəçiləri üçün o..

×