2022-ci ildə online dələduzluq hallarının ABŞ iqtisadiyyatna vermiş olduğu zərər 10 milyard dolları keçib. Bu isə son 5 il ərzində ən yüksək illik zərər göstəricisidir. FBI (Federal Təhqiqatlar Bürosu)  tərəfindən təqdim edilmiş hesabata əsasən 2021-ci il ilə müqayisədə 2022-ci ildə online dələduzluq halları vasitəsilə yetirilmiş zərərin 3 milyard dollar artması kriptovalyutalara investisiyalar mövzusu üzrə dələduzluq hallarının 3 dəfə artması ilə əlaqəlidir. Məlumatda qeyd edilib ki, keçən il online dələduzluq hallarından ən çox şikayət etmiş şəxslər 30 yaş üzəri şəxslər olublar. Bununla belə online dələduzluq hallarından ən çox zərər görmüşlər məhz yaşlı insanlar olub. FBI bildirib ki, keçən il online dələduzluqdan zərər çəkmiş şəxslərdən 60 yaş üzəri kateqoqiyasına daxil olan insanların itirmiş olduqları ümumi məbləğ 724 milyon dollar təşkil edib.