Dünən məlum oldu ki, Samsung şirkəti yeni OneUI 5.1 istifadəçi interfeysini Galaxy A52s 5G smartfonu üçün istifadəyə verməyə başlayıb. İndi isə şirkət proqram təminatı yenilənməsini Galaxy M seriyasına daxil olan smartfonlardan biri üçün təqdim edib. Söhbət, Galaxy M33 5G smartfonundan gedir. Məlumatda qeyd edilib ki, OneUI 5.1-i bu smartfonun ilk öncə Cənubi Koreyadakı istifadəçiləri əldə etməyə başlayıblar. Galaxy M33 5G-nin digər ölkələrdəki istifadəçiləri isə OneUI 5.1-i yaxın zamanda əldə edəcəklər. Qeyd etmək lazımdır ki, OneUI 5.1 ilə birlikdə Galaxy M33 5G smartfonu həmçinin Google şirkətinin fevral ayı üçün nəzərdə tutulmuş aktual təhlükəsizlik yenilənməsini də əldə edib.