macOS-in Monterey adlı yeni versiyası təqdim olunub

macOS-in Monterey adlı yeni versiyası təqdim olunub

Əməliyyat sistemləri
08.06.2021 PAYLAŞIM

    Apple şirkəti WWDC 2021 konfransı çərçivəsində iOS 15-dən başqa həmçinin macOS desktop əməliyyat sisteminin yeni versiyası olan macOS Monterey-i də təqdim edib. Desktop əməliyyat sisteminin yeni versiyası bir sıra yeni özəlliklər əldə edib. Onların arasında Universal Control adlı rejim, Safari brauzerinin redizaynı və iOS 15-də dəstəklənən SharePlay ilə Screen Sharing funksiyaları var. Universal Control rejimini əldə etmiş Continuity servisinin yenilənmiş funksionallığı Apple şirkətinin bir neçə cihazını vahid ekosistemə daha sıx inteqrasiya etməyə imkan verir. Funksiyanın əsas ideyası ondan ibarətdir ki, bir mouse işarəsini həm MacBook-da həm də iPad-də istifadə etmək mümkün olsun.


    Başqa sözlə desək, planşeti həm əlavə monitor kimi həm də əlavə iş mühiti kimi istifadə etmək mümkündür. Maraqlısı ondadır ki, bu yeni funksiya eyni anda bir neçə cihazda çalışır. Buna misal olaraq iPad, MacBook və iMac kombinasiyasını gətirmək olar. Bu halda bu cihazlar üçün fayl mübadiləsi üzrə ümumi bufer aktiv olacaq və bir faylı bu müxtəlif cihazlar arasında daşımaq imkanı təqdim olunacaq. Bu halda bir cihaz avtomatik şəkildə faylın hansı cihazdan göndərildiyini təyin edə biləcək. macOS Monterey-də AirPlay to Mac adlı yeni funksiya reallaşdırılıb. Bu funksiya vasitəsilə istifadəçi öz smartfonunda işə saldığı musiqini və ya videonu birbaşa Mac-a ötürə biləcək.

    Apple şirkəti daha öncə iOS-də reallaşdırmış olduğu Quick Actions adlı funksiyanı macOS-ə inteqrasiya edib. Beləliklə istifadəçilər öncədən qurulmuş bir ssenari vasitəsilə bir neçə sürətli əmrlər yarada bilərlər. Həmin əmrlər isə bir kliklə əməliyyat sistemində işə düşəcəklər. Bundan əlavə olaraq istifadəçilər Automotor tətbiqi vasitəsilə artıq hazır ssenariləri import edə bilərlər. Safari brauzeri də bir sıra yenilənmələrə məruz qalıb. Şirkət brauzeri elə optimizasiya edib ki, M1 prosessoruna sahib MacBook istifadəçiləri öz noutbuklarını şarj etmədən 17 saat ərzində internetdən istifadə edə bilərlər.

    Bununla yanaşı brauzerin qovluqlarının dizaynı dəyişilib və “Groups” adlı bölmə əlavə edilib. Bu bölmə çoxlu sayda veb səhifənin istifadə edildiyi zaman naviqasiya prosesini sadələşdirir. Şirkət həmçinin brauzerin kənar menyusunu yeniləyib və ora qovluqlar qrupunun təkrar istifadəsi imkanını yerləşdirib. Bununla belə qovluqlardan ibarət həmin qruplar bir Apple ID vasitəsilə çalışan digər Apple cihazları ilə sinxronlaşırlar. Sonunda Safari üçün olan genişləndirmələr (extensions) macOS ilə yanaşı həmçinin iOS-də də dəstəklənirlər. macOS Monterey iOS 15-də təqdim olunmuş bir çox funksiyaları dəstəkləyir. Desktop əməliyyat sisteminin ictimai beta versiyası gələn ay təqdim olunmalıdır.

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


Apple şirkəti köhnə iPhone modellərini iOS 15-in eksklüziv funksiyalarından məhr..

iOS 15 əməliyyat sisteminin iPhone 6s modeli üçün də təqdim olunacağına baxmayaraq onun bir çox funk..


Nvidia şirkəti Windows 7, 8 və 8.1 üçün qrafik drayverlərin dəstəyini dayandıra..

Nvidia şirkəti Windows 7, 8 və 8.1 əməliyyat sistemləri ilə uyğunlaşan son videokart drayverlərinin ..


Microsoft yeni videosunda növbəti Windows-un adına işarə edib (VİDEO)

24 iyun tarixində baş tutacaq yeni Windows versiyasının təqdimatına az müddət qalmış Microsoft şirkə..


İnsayderlər: Windows 11 Android tətbiqləri işə sala biləcək

24 iyun tarixində Microsoft şirkəti Windows ilə bağlı böyük təqdimat tədbiri keçirdəcək...


Apple şirkəti iOS 15-ə keçid etmək istəməyən istifadəçiləri dəstəkləməyə davam e..

Yenicə təqdim olunmuş iOS 15-in stabil versiyası hələ payız fəslində istifadəyə veriləcək...


iOS 15 və macOS Monterey-i əldə edəcək cihazların rəsmi siyahısı təqdim olunub..

Apple şirkəti dünən tərtibatçılar üçün nəzərdə tutulmuş WWDC 2021 konfransına start vermişdi...

×