main-post-cover

    MIUI 14-ün yeni fotoları ortaya çıxıb

    Proqram Təminatı
    Əməliyyat sistemləri
    23.11.2022
    Emil Nəcəfov
        Keçən həftə Xiaomi şirkəti MIUI 14 istifadəçi interfeysini anons etmişdi. İndi isə internetdə sözügedən interfeysi əldə etmiş Xiaomi 12S Pro-nun fotosu ortaya çıxıb. Ortaya çıxmış fotoda smartfonun “About Phone” menyusu əks olunub. Həmin menyudan da görmək olar ki, smartfon MIUI 14 istifadəçi interfeysinə sahibdir. Bununla belə qeyd etmək lazımdır ki, MIUI 14-də “About Phone” menyusu MIUI 13-dəkindən daha fərqli görünür. Məsələn smartfonun hansı MIUI versiyasına sahib olduğu barəsində məlumatı əks etdirən pəncərə ekranın bütün genişliyini əhatə edir. Smartfonun daxili yaddaş həcminin nə qədər hissəsinin dolduğu isə sadə şkala şəklində əks olunub. Çox güman ki, MIUI 14-də sistem üzrə bir çox vizual dəyişikliklər olacaq. Yeni istifadəçi interfeysini anons edən zaman şirkət bildirmişdi ki, tərtibatçıların əsas məqsədləri yügül və axıcı MIUI versiyasını təqdim etməkdir. MIUI 14-ün bu ayın sonuna kimi təqdim ediləcəyi gözlənilir.
    Linki kopyala