İnsayderlər Xiaomi smartfonları üçün nəzərdə tutulmuş MIOS adlı yeni əməliyyat sisteminin screenshot fotosunu təqdim ediblər. Qeyd etmək lazımdır ki, Xiaomi-nin fərdi əməliyyat sistemi barəsində ilk məlumatlar hələ 10 il bundan öncə ortaya çıxmışdı. Lakin həmin vaxtda şirkətin fərdi əməliyyat sistemi üzərində çalışması barəsində hər hansısa sübut təqdim edilməmişdi. İndi isə insayderlər bu cür sübutu təqdim ediblər.

Təqdim edilmiş screenshot fotoda MIOS-un loqosu və əməliyyat sisteminin aktual yenilənməsinin versiyası (V0.85.22.11.05 alpha) əks olunub. Bu rəqəmlərdən belə qənaətə gəlmək olar ki, sözügedən versiya keçən ilin 5 noyabr tarixini əhatə etmiş versiyasıdır. İnsayderlər MIOS-un texniki özəllikləri barəsində heç bir məlumat təqdim etməyiblər. Ümumiyyətlə bunun MIUI-nin rebrendinqi olub-olmaması da aydın deyil. Heç istisna deyil ki, Huawei şirkəti özünün HarmonyOS əməliyyat sistemini yaratdığı kimi Xiaomi də fərdi proqram təminatı platformasını yaratmaq niyyətindədir.