İnsayderlər iOS 16-nı əldə etməyəcək iPhone modellərinin adlarını çəkiblər
Proqram Təminatı
Əməliyyat sistemləri
21.12.2021
Emil Nəcəfov
2022-ci ilin ortasında Apple şirkəti iPhone və iPad modellərinin əməliyyat sistemlərinin yeni versiyalarını təqdim edəcək. Ortaya çıxmış yeni məlumata əsasən iOS və iPadOS-in yeni versiyalarını Apple şirkətinin bəzi köhnə cihazları əldə etməyəcəklər. Beləliklə insayderlərin verdikləri məlumata əsasən iPhone 6s, iPhone 6s Plus və 2016-cı ildə satışa çıxmış birinci nəsil iPhone SE modelləri iOS 16-nı əldə etməyəcəklər. Bundan əlavə olaraq iPad mini 4, iPad Air 2, iPad 5, iPad Pro 2015 planşet modelləri iPadOS 16-nı əldə etməyəcəklər.
Beləliklə Apple şirkətinin 7 cihazı üçün əməliyyat sistemlərinin yeni versiyaları istifadəyə verilməyəcək. Qeyd etmək lazımdır ki, təqdim edilmiş siyahı insayderlər tərəfindən tərtib olunub və o, şirkət tərəfindən hələ təsdiqlənməyib. Buna baxmayaraq siyahı həqiqətə uyğun görünə bilər. Belə ki, Apple şirkəti adətən öz cihazlarındakı sistem yenilənmələrini 5 il ərzində dəstəkləyir. Həmçinin iPhone 6s seriyası öz yaşına baxmayaraq bu il əməliyyat sistemi üzrə bonus yenilənmə də əldə edib.
Linki kopyala
Həftənin xəbərləri
Whatsapp yaxın zamanda 2 yeni funksiyanı əldə edəcək
Qutusu açılmamış birinci nəsil iPhone modeli 15 Pro Max-dan təxminən 80 qat baha qiymətə satılıb!